Երևանի քաղաքապետը պարգևատրել է 2026 թվականի Եվրոպայի առաջնությունների և աշխարհի գավաթների մրցանակակիրներին
- Հեղինակ: Vahe Hakobyan
- Sportaran
Երևանի քաղաքապետ Տիգրան Ավինյանը հանդիպել է 2026 թվականի Եվրոպայի առաջնություններում և Աշխարհի գավաթի փուլերում հաջողությունների հասած հավաքականների մարզիկների ու մարզիչների հետ։
Պարգևատրման արարողությանը ներկա էին ըմբշամարտի, սպորտային մարմնամարզության և ծանրամարտի ներկայացուցիչներ։ Դրամական պարգևների են արժանացել միջազգային մրցաշարերում առաջին, երկրորդ և երրորդ տեղերը զբաղեցրած մարզիկները, ինչպես նաև նրանց մարզիչները։
Երևանից ոսկե մեդալակիրները ստացել են 1-ական մլն դրամ։ Մրցանակակիրներին հանձնվել են 600 և 500 հազար դրամի չափով պարգևներ։ Մարզիչները նույնպես ստացել են 1-ական մլն դրամ։
Բացի այդ, Աշխարհի գավաթի փուլերում հանդես եկած մարմնամարզիկները ստացել են 600-ական հազար դրամ։
Ավինյանը շնորհավորել է մարզիկներին հաջող ելույթների կապակցությամբ և նշել, որ նրանց հաղթանակները մեծ աշխատանքի ու հայկական սպորտին նվիրվածության արդյունք են։
«Ձեր հաջողություններն ու մարզական ձեռքբերումները սպասելի էին, որովհետև հայկական սպորտին ձեր մեծ նվիրվածությունը չէր կարող այլ արդյունքի բերել, բացի հաղթանակներից։ Մաղթում եմ, որ ձեր կամքն ու ոգևորությունը երբեք չմարեն և նպաստեն նոր չեմպիոնական հաղթանակների», — հայտարարել է Երևանի քաղաքապետը։
Ավինյանը նաև ընդգծել է, որ Երևանի քաղաքապետարանը կշարունակի աջակցել մարզիկներին նոր նվաճումների ճանապարհին։
1 մլն դրամ են ստացել Եվրոպայի չեմպիոններ Մալխաս Ամոյանը՝ հունահռոմեական ըմբշամարտ, Վարազդատ Լալայանը՝ ծանրամարտ, Գարիկ Կարապետյանը՝ ծանրամարտ, Էմմա Պողոսյանը՝ ծանրամարտ, ինչպես նաև գլխավոր մարզիչները։
