Չոլաքյանից մինչև Լալայան. Հայաստանի հավաքականի ժամանակացույցը ծանրամարտի ԱԱ-2026-ում

Հայտնի է դարձել ծանրամարտի աշխարհի 2026 թվականի առաջնությունում հայ ծանրորդների ելույթների ժամանակացույցը։ Հայաստանի ներկայացուցիչներից առաջինը մրցահարթակ դուրս կգա Գառնիկ Չոլաքյանը. հոկտեմբերի 28-ին նա հանդես կգա մինչև 65 կգ քաշային կարգի B խմբում։

Հոկտեմբերի 31-ին մինչև 75 կգ քաշային կարգում հանդես կգան երկու հայ մարզիկներ. առավոտյան մրցելույթները կսկսի Տիգրան Կարապետյանը, իսկ կեսօրից հետո պայքարի մեջ կմտնի Գոռ Սահակյանը։ Նույնպիսի ծրագիր է նախատեսված նաև նոյեմբերի 2-ին՝ մինչև 85 կգ քաշային կարգում, որտեղ Հայաստանը կներկայացնեն Մարտին Պողոսյանն ու Ռաֆիկ Հարությունյանը։

Գարիկ Կարապետյանը մրցահարթակ դուրս կգա նոյեմբերի 6-ին՝ մինչև 110 կգ քաշային կարգում։ Հայաստանի հավաքականի ելույթները կեզրափակի Վարազդատ Լալայանը, որը նոյեմբերի 8-ին գերծանր քաշային կարգում կպայքարի մեդալների համար։

Կանանց պայքարում առաջինը հանդես կգա Ալեքսանդրա Գրիգորյանը. մինչև 57 կգ քաշային կարգում նրա մրցելույթները կկայանան հոկտեմբերի 30-ին։ Ալինա Սուքիասյանը մրցահարթակ դուրս կգա նոյեմբերի 5-ին, իսկ Էմմա Պողոսյանն ու Լիանա Գյուրջյանը՝ նոյեմբերի 7-ին։

Հայաստանի հավաքականի ելույթների ժամանակացույցը ծանրամարտի ԱԱ-2026-ում

Ժամերը նշված են Երևանի ժամանակով։

• Հոկտեմբերի 28, 12:00 — Գառնիկ Չոլաքյան, մինչև 65 կգ, B խումբ։

• Հոկտեմբերի 30, 12:00 — Ալեքսանդրա Գրիգորյան, մինչև 57 կգ։

• Հոկտեմբերի 31, 09:30 — Տիգրան Կարապետյան, մինչև 75 կգ, C խումբ։

• Հոկտեմբերի 31, 15:00 — Գոռ Սահակյան, մինչև 75 կգ։

• Նոյեմբերի 2, 09:30 — Մարտին Պողոսյան, մինչև 85 կգ, C խումբ։

• Նոյեմբերի 2, 12:00 — Ռաֆիկ Հարությունյան, մինչև 85 կգ, B խումբ։

• Նոյեմբերի 4, 12:00 — Դավիթ Հովհաննիսյան, մինչև 95 կգ, B խումբ։

• Նոյեմբերի 5, 09:30 — Ալինա Սուքիասյան, C խումբ։

• Նոյեմբերի 6, 15:00 — Գարիկ Կարապետյան, մինչև 110 կգ։

• Նոյեմբերի 7, 15:00 — Էմմա Պողոսյան և Լիանա Գյուրջյան, մինչև 86 կգ։

• Նոյեմբերի 8, 10:00 — Վարազդատ Լալայան, 110 կգ-ից բարձր։

Մրցումներին հնարավոր կլինի հետևել Հայաստանի Առաջին ալիքի եթերում։