«Վանը» ավելացված ժամանակում փրկվեց պարտությունից և դուրս եկավ Հայաստանի գավաթի քառորդ եզրափակիչ
- Հեղինակ: Vahe Hakobyan
- Sportaran
«Վանը» Հայաստանի գավաթի խաղարկության 1/8 եզրափակչում կամային հաղթանակ տարավ «Գանձասարի» նկատմամբ։ Չարենցավանում կայացած հանդիպումն ավարտվեց տանտերերի հաղթանակով՝ 2:1 հաշվով՝ լրացուցիչ ժամանակից հետո։
Հյուրերն առաջ անցան առաջին խաղակեսի ավարտից մեկ րոպե առաջ՝ Տոմաս Ռոշայի գոլի շնորհիվ։ «Գանձասարը» պահպանում էր առավելությունը մինչև հիմնական ժամանակի վերջին ակնթարթները, սակայն չկարողացավ պահպանել հաղթական հաշիվը։
90+2-րդ րոպեին Պետրոս Ավետիսյանը դիպուկ հեռահար հարվածով վերականգնեց հաշվի հավասարությունը՝ հանդիպումը տեղափոխելով լրացուցիչ ժամանակ։ Իսկ 110-րդ րոպեին Բուկարի Կոնեն խփեց վճռորոշ գոլը՝ չարենցավանյան ակումբին պարգևելով հաղթանակ և հաջորդ փուլի ուղեգիր։
«Վանը» համալրեց Հայաստանի գավաթի քառորդ եզրափակչի մասնակիցների շարքը։ Ավելի վաղ մրցաշարի այս փուլի ուղեգիր էր նվաճել «Միկան»։