Մամիկոն Խաչատրյանը՝ Աշխարհի մարմնամարզության առաջնության արծաթե մեդալակիր Ինդոնեզիայում

18-ամյա հայ մարմնամարզիկ Մամիկոն Խաչատրյանը արծաթե մեդալ է նվաճել Ինդոնեզիայում կայացած 2025 թվականի Աշխարհի մարմնամարզության առաջնությունում։ Երիտասարդ մարզիկը փայլուն ելույթ է ունեցել նժույգի վարժության եզրափակչում՝ ստանալով 14.600 միավոր։

Հետաքրքիր է, որ Չինաստանը ներկայացնող Հոն Յանմինը ստացել է նույն միավորը, սակայն լրացուցիչ հաշվարկների արդյունքում նրան է շնորհվել ոսկե մեդալը, իսկ հայ մարմնամարզիկը գրավել է երկրորդ տեղը։

Վերջնական արդյունքներ – Նժույգ
Հոն Յանմին (Չինաստան) – 14.600
Մամիկոն Խաչատրյան (Հայաստան) – 14.600
Պատրիկ Հուպս (ԱՄՆ) – 14.566
Համլետ Մանուկյան (Հայաստան) – 14.433
Ալեքսանդր Յոլշին-Քեշ (Մեծ Բրիտանիա) – 14.366
Զեյնոլլա Իդրիսով (Ղազախստան) – 13.660
Նարիման Կուրբանով (Ղազախստան) – 13.533
Էյդան Լի (Կանադա) – 12.366

Նշենք, որ այս տարվա սկզբին ևս Մամիկոն Խաչատրյանը նվաճել էր արծաթե մեդալ Եվրոպայի առաջնությունում՝ գրավելով երկրորդ տեղը իր հայրենակցի՝ Համլետ Մանուկյանից հետո։