ՖԻՖԱ-ն 2026 թվականին առաջին անգամ թարմացրել է հավաքականների վարկանիշը․ Հայաստանը բարելավել է դիրքը

Ֆուտբոլի միջազգային ֆեդերացիան (ՖԻՖԱ) հրապարակել է 2026 թվականի ազգային հավաքականների վարկանիշի առաջին թարմացումը։ Թարմացված ցուցակը ներկայացվել է հունվարի 19-ին՝ Աֆրիկայի ազգերի գավաթի ավարտից հետո։

Հայաստանի ազգային հավաքականը խաղեր չի անցկացրել, սակայն կարողացել է փոքր-ինչ բարելավել իր դիրքերը․ նախորդ վարկանիշի համեմատ թիմը բարձրացել է մեկ հորիզոնականով և այժմ զբաղեցնում է աշխարհի 105-րդ տեղը։

Աշխարհի վարկանիշի առաջատարը շարունակում է մնալ Իսպանիայի հավաքականը։ Առաջին տասնյակում են նաև Արգենտինան, Ֆրանսիան, Անգլիան, Բրազիլիան, Պորտուգալիան, Նիդերլանդները, Մարոկկոն, Բելգիան և Գերմանիան։

Նշենք, որ Խորվաթիայի հավաքականը նահանջել է 11-րդ հորիզոնական՝ զիջելով դիրքը Սենեգալին։ Աֆրիկայի ազգերի գավաթի չեմպիոնը միանգամից բարձրացել է ՖԻՖԱ-ի վարկանիշի 12-րդ տեղ։

ՖԻՖԱ-ի վարկանիշի լավագույն 10 հավաքականները

1. Իսպանիա
2. Արգենտինա
3. Ֆրանսիա
4. Անգլիա
5. Բրազիլիա
6. Պորտուգալիա
7. Նիդերլանդներ
8. Մարոկկո
9. Բելգիա
10. Գերմանիա