Կիպրոսը Հայաստանի դեմ կխաղա առանց Պիլեասի․ Ցարուլլան առողջական խնդիրներ ունի
- Հեղինակ: Vahe Hakobyan
- Sportaran
Կիպրոսի հավաքականը կադրային խնդիրների է բախվել Ազգերի լիգայի հինգերորդ տուրում Հայաստանի դեմ արտագնա հանդիպումից առաջ։ Կոստաս Պիլեասը որակազրկման պատճառով բաց կթողնի հանդիպումը, իսկ Նիկոլաս Ցարուլլան ցավեր է զգում։
Պիլեասը չի կարողանա խաղադաշտ դուրս գալ Հայաստանի հավաքականի դեմ առաջին խաղում հեռացվելու պատճառով։ Առաջիկա հանդիպմանը նրա բացակայությունը հաստատել է Կիպրոսի ֆուտբոլի ֆեդերացիան։
Ցարուլլայի մասնակցության հարցը դեռ անորոշ է։ Ֆեդերացիայի ներկայացուցիչ Կոնստանտինոս Սիամբուլիսի խոսքով՝ ֆուտբոլիստը թեթև ցավեր է զգացել, սակայն մնացել է հավաքականի կազմում և թիմի հետ մեկնել Երևան։
Այդ կապակցությամբ մարզչական շտաբը լրացուցիչ հրավիրել է «Ապոլոնի» պաշտպան Անդրեաս Շիկկիսին՝ պաշտպանության եզրում այլընտրանքային տարբերակ ունենալու համար։
Հիշեցնենք, որ վնասվածքի պատճառով հանդիպումը բաց կթողնի նաև հարձակվող Կակուլիսը։
Հայաստան — Կիպրոս հանդիպումը կկայանա նոյեմբերի 12-ին Երևանում՝ Ազգերի լիգայի C2 խմբի հինգերորդ տուրի շրջանակում։
Քննարկեք նորությունները!
Անցնել մեկնաբանություններին ↓
Comments
0