Արտյոմ Բանդիկյան. «Կիպրոսի հետ խաղում պարտավոր ենք բոլոր ուժերը թողնել խաղադաշտում»
- Հեղինակ: Vahe Hakobyan
- Sportaran
Հայաստանի հավաքականի պաշտպան Արտյոմ Բանդիկյանը Կիպրոսի դեմ տնային հանդիպմանը նախորդած մամուլի ասուլիսում խոսել է վնասվածքից հետո իր վիճակի և առաջիկա խաղին նախապատրաստվելու մասին։ Հանդիպումը կկայանա նոյեմբերի 12-ին Երևանում։
Բանդիկյանը լրագրողների հարցերին պատասխանել է հայերեն։
— Արտյոմ, ուրախ ենք քեզ կրկին տեսնել հավաքականում։ Դու վերականգնվել ես ազգային թիմի կազմում ստացած վնասվածքից և արդեն հասցրել ես խաղալ ակումբում։ Ինչպե՞ս ես գնահատում քո ներկայիս վիճակը։
— Բարև բոլորին։ Շատ ուրախ եմ կրկին միանալ Հայաստանի հավաքականին։ Ինձ շատ լավ եմ զգում և պատրաստ եմ վաղվա հանդիպմանը։
— ԲԿՄԱ-ում խաղաժամանակ ես ստանում հիմնականում գավաթային հանդիպումներում։ Ինչպե՞ս ես գնահատում քո իրավիճակն ակումբում։ Մարզիչների հետ քննարկե՞լ ես ավելի շատ խաղաժամանակ ստանալու հնարավորությունը։
— Շնորհակալություն հարցի համար, բայց հիմա հավաքականում եմ և ցանկանում եմ խոսել միայն Հայաստանի հավաքականի առաջիկա հանդիպման, այլ ոչ թե ակումբի մասին։ Այստեղ դժվար կլինի բացատրել, թե ինչ է կատարվում ակումբում։
— Դուք արդեն խաղացել եք Կիպրոսի դեմ։ Ի՞նչ ես ակնկալում այս մրցակցի հետ տնային հանդիպումից։
— Մենք լավ ուսումնասիրել ենք Կիպրոսի հավաքականի խաղը և լավ պատրաստվել հանդիպմանը։ Գիտենք՝ ինչպես պետք է խաղանք և ինչ է անհրաժեշտ հաղթանակի համար։ Վաղը բոլորս պարտավոր ենք բոլոր ուժերը թողնել խաղադաշտում։
Հիշեցնենք, որ Բանդիկյանը վնասվածք էր ստացել հենց Կիպրոսի դեմ արտագնա հանդիպման ժամանակ։
Քննարկեք նորությունները!
Անցնել մեկնաբանություններին ↓
Comments
0