Հայաստանի ձյուդոյի երիտասարդական հավաքականը Բելգրադում պատրաստվում է Տաշքենդի աշխարհի առաջնությանը

Հայաստանի ձյուդոյի երիտասարդական հավաքականը մասնակցում է Բելգրադում անցկացվող միջազգային ուսումնամարզական հավաքին՝ նախապատրաստվելով Տաշքենդում կայանալիք աշխարհի առաջնությանը։

Սերբիայի մայրաքաղաքում հավաքն անցկացվում է նոյեմբերի 8–12-ը՝ միավորելով 21 երկրի ձյուդոիստների։ Հայաստանի հավաքականի համար այն երիտասարդների աշխարհի առաջնության նախապատրաստական փուլերից է։ Մրցաշարը կկայանա նոյեմբերի 19–21-ը Ուզբեկստանի մայրաքաղաքում։

Հայաստանի հավաքականի կազմում ընդգրկված են երեք մարզիկներ՝

• Շավարշ Նահապետյան՝ մինչև 60 կգ քաշային կարգ,

• Ժիրայր Ղամբարյան՝ մինչև 73 կգ,

• Տիգրան Սարուխանյան՝ մինչև 81 կգ։

Աշխարհի առաջնությանը կմասնակցեն նաև այլ երկրներ ներկայացնող հայ ձյուդոիստներ։ Գայանե Պողոսյանը Էստոնիայի հավաքականի կազմում հանդես կգա մինչև 70 կգ քաշային կարգում, իսկ Նարեկ Վարդանյանը կներկայացնի Շվեդիան մինչև 73 կգ քաշային կարգում։