Հայ երկրպագուն Արգենտինայի խաղին ներկայացել է Արցախի դրոշով
- Հեղինակ: Vahe Hakobyan
- Sportaran
Արգենտինայից հայ երկրպագու Գագո Անանյանը 2026 թվականի աշխարհի առաջնության Արգենտինա — Ավստրիա խաղին ներկայացել է Արցախի դրոշով։
Արցախի Հանրապետության դրոշը հունիսի 22-ին նկատվել է Դալլասի մարզադաշտի տրիբունաներում, որտեղ Արգենտինայի հավաքականը 2:0 հաշվով հաղթեց Ավստրիային և ապահովեց իր տեղը ՉՄ-2026-ի 1/16 եզրափակչում։
Խաղից հետո Անանյանը զրուցել է լրագրողների հետ և բացատրել դրոշի նշանակությունը։ A24-ի եթերում Agrupación Representativa de los Armenios Migrantes en Armenia-ի (ARAMA) ներկայացուցիչը հայտարարել է, որ դա «Արցախի դրոշն է, որը ապօրինի օկուպացված է Ադրբեջանի կողմից»։
Գագո Անանյանի խոսքով՝ աշխարհի առաջնության խաղում Արցախի դրոշի հայտնվելը հիշեցում էր Արցախի և հայ ժողովրդի ճակատագրի մասին։
«Ցանկացած պահի հայ ժողովուրդը կվերադառնա իր պատմական հողեր», — նշել է Անանյանը։
Արգենտինա — Ավստրիա հանդիպումը դարձավ խմբային փուլի երկրորդ տուրի գլխավոր իրադարձություններից մեկը։ Լիոնել Մեսսին դուբլ ձևակերպեց և Արգենտինային 2:0 հաշվով հաղթանակ պարգևեց։