Հայաստանը 27 մեդալ է նվաճել Լիոնում կայացած ուշուի Եվրոպայի 2026 թվականի առաջնությունում

Հայաստանի հավաքականը հաջող է հանդես եկել ուշուի Եվրոպայի 2026 թվականի առաջնությունում, որն անցկացվել է մայիսի 7-ից 10-ը Ֆրանսիայի Լիոն քաղաքում։ Հայ մարզիկները նվաճել են 27 մեդալ՝ 14 ոսկե, 11 արծաթե և 2 բրոնզե։

Մրցաշարը միավորել էր ինչպես մեծահասակների, այնպես էլ պատանեկան տարիքային խմբերի մրցումները։ Մասնակիցները հանդես են եկել թաոլու, ուշու-սանդա և լայթ-սանդա մրցաձևերում։

Թիմային հաշվարկի արդյունքում Հայաստանը զբաղեցրել է 5-րդ տեղը։ Առաջին տեղը գրավել է Ուկրաինայի հավաքականը, որը լայն կազմով ներկայացված էր գրեթե բոլոր մրցաձևերում։

Ուշուի Եվրոպայի առաջնության թիմային հաշվարկի լավագույն հնգյակը

Ուկրաինա — 49 ոսկե, 40 արծաթե, 31 բրոնզե
Ֆրանսիա — 23 ոսկե, 27 արծաթե, 30 բրոնզե
Հունաստան — 20 ոսկե, 22 արծաթե, 30 բրոնզե
Իտալիա — 14 ոսկե, 24 արծաթե, 16 բրոնզե
Հայաստան — 14 ոսկե, 11 արծաթե, 2 բրոնզե

Հայաստանի հավաքականի արդյունքները

Հայ մարզիկները մեդալներ են նվաճել ինչպես թաոլու ցուցադրական մրցաձևերում, այնպես էլ մարտական բաժիններում։ Միևնույն ժամանակ, որոշ քաշային և տարիքային կարգերում մասնակիցների քանակը տարբեր էր, ուստի կարևոր է առանձին նշել, թե քանի հաղթանակ են տարել մարզիկները մեդալ նվաճելու ճանապարհին։

Ոսկե մեդալներ

Արտաշես Ավագյան — թաոլու, առանց զենքի, 40–59 տարեկան։ Կարգում հանդես է եկել 8 մասնակից։

Գրիշա Ալիխանյան — սանդա, U14, մինչև 45 կգ։ Տարել է մեկ հաղթանակ՝ Ուկրաինայի ներկայացուցչի նկատմամբ։

Ալեքս Խաչատրյան — սանդա, U14, մինչև 56 կգ։ Տարել է մեկ հաղթանակ՝ Ադրբեջանի ներկայացուցչի նկատմամբ։

Միքայել Ալավերդյան — սանդա, U14, մինչև 64 կգ։ Տարել է մեկ հաղթանակ՝ Ուկրաինայի ներկայացուցչի նկատմամբ։

Դավիթ Հովհաննիսյան — սանդա, U17, մինչև 48 կգ։ Տարել է մեկ հաղթանակ՝ Ադրբեջանի ներկայացուցչի նկատմամբ։

Էրիկ Վիրաբյան — սանդա, U17, մինչև 65 կգ։ Տարել է երկու հաղթանակ՝ Ադրբեջանի և Շվեյցարիայի ներկայացուցիչների նկատմամբ։

Տիգրան Թովմասյան — սանդա, U17, մինչև 75 կգ։ Տարել է երկու հաղթանակ՝ Ադրբեջանի և Հունաստանի ներկայացուցիչների նկատմամբ։

Կարոլինա Համբարձումյան — սանդա, U17, մինչև 48 կգ։ Տարել է մեկ հաղթանակ՝ Պորտուգալիայի ներկայացուցչուհու նկատմամբ։

Մանե Եգանյան — սանդա, U17, մինչև 52 կգ։ Տարել է երկու հաղթանակ՝ Ֆրանսիայի և Իտալիայի մարզուհիների նկատմամբ։

Ավանես Զաքարյան — սանդա, մեծահասակներ, մինչև 56 կգ։ Տարել է երկու հաղթանակ՝ Պորտուգալիայի և Հայաստանի ներկայացուցիչների նկատմամբ։

Դավիթ Վարդանյան — սանդա, մեծահասակներ, մինչև 70 կգ։ Տարել է երեք հաղթանակ՝ Ադրբեջանի, Շվեդիայի և Վրաստանի ներկայացուցիչների նկատմամբ։

Պավել Մանգասարյան — լայթ-սանդա, U14, մինչև 60 կգ։ Տարել է երկու հաղթանակ՝ Շվեյցարիայի և Հունաստանի ներկայացուցիչների նկատմամբ։

Ժիրայր Պետրոսյան — լայթ-սանդա, մեծահասակներ, մինչև 60 կգ։ Տարել է մեկ հաղթանակ՝ Իտալիայի ներկայացուցչի նկատմամբ։

Վազգեն Մուրադյան — լայթ-սանդա, մեծահասակներ, 100 կգ-ից բարձր։ Տարել է երկու հաղթանակ՝ Ռումինիայի և Ֆրանսիայի ներկայացուցիչների նկատմամբ։

Արծաթե մեդալներ

Սիրանուշ Ավագյան — թաոլու, առանց զենքի, U17։ Կարգում հանդես է եկել 6 մասնակից։

Արտաշես Ալավերդյան — թաոլու, առանց զենքի, U14։ Կարգում հանդես է եկել 9 մասնակից։

Արտաշես Ավագյան — թաոլու, մեկ զենք, 40–59 տարեկան։ Կարգում հանդես է եկել 9 մասնակից։

Սարգիս Երիցյան — սանդա, U14, մինչև 48 կգ։ Տարել է երկու հաղթանակ՝ Ուկրաինայի և Վրաստանի ներկայացուցիչների նկատմամբ։

Ֆելիքս Թերզիցյան — սանդա, U14, մինչև 52 կգ։ Արծաթե մեդալ է նվաճել առանց հաղթանակի։

Կարեն Սահակյան — սանդա, U17, մինչև 52 կգ։ Տարել է մեկ հաղթանակ՝ Ֆրանսիայի ներկայացուցչի նկատմամբ։

Դավիթ Բաղդասարյան — սանդա, U17, մինչև 70 կգ։ Տարել է երկու հաղթանակ՝ Ֆրանսիայի և Վրաստանի ներկայացուցիչների նկատմամբ։

Գևորգ Բաղդասարյան — սանդա, մեծահասակներ, մինչև 56 կգ։ Տարել է մեկ հաղթանակ՝ Իտալիայի ներկայացուցչի նկատմամբ։

Գրանտ Թադևոսյան — սանդա, մեծահասակներ, մինչև 65 կգ։ Տարել է երկու հաղթանակ՝ Ֆրանսիայի և Ուկրաինայի ներկայացուցիչների նկատմամբ։

Տիգրան Գևորգյան — սանդա, մեծահասակներ, մինչև 80 կգ։ Տարել է մեկ հաղթանակ՝ Ֆրանսիայի ներկայացուցչի նկատմամբ։

Գառնիկ Գալստյան — սանդա, մեծահասակներ, մինչև 90 կգ։ Առանց հաղթանակի։

Բրոնզե մեդալներ

Ասպրամ Խոսրովյան — լայթ-սանդա, U17, մինչև 85 կգ։ Տարել է մեկ հաղթանակ՝ Հունաստանի ներկայացուցչուհու նկատմամբ։

Գրիգոր Տոնիկյան — սանդա, մեծահասակներ, մինչև 85 կգ։ Առանց հաղթանակի։

Նախորդ տարի Հայաստանը նվաճել էր 19 մեդալ։ 2025 թվականի բոլոր արդյունքները կարող եք տեսնել ԱՅՍՏԵՂ։