Հայաստանը գրավեց երկրորդ տեղը հունահռոմեական ըմբշամարտի Եվրոպայի Մ17 առաջնության թիմային հաշվարկում․ մրցաշարի ամփոփում

Հայաստանի հավաքականը հաջող ավարտեց ելույթը հունահռոմեական ըմբշամարտի Եվրոպայի Մ17 առաջնությունում, որն անցկացվում է Բուլղարիայի Սամոկով քաղաքում։

Հունահռոմեական ըմբշամարտի մրցաշարն ավարտվեց մայիսի 13-ին։ Բոլոր եզրափակիչներից հետո Հայաստանի թիմը ընդհանուր թիմային հաշվարկում զբաղեցրեց երկրորդ տեղը՝ վաստակելով 145 միավոր։ Սա 10 միավորով ավելի է Հայաստանի նախորդ տարվա արդյունքից Եվրոպայի առաջնությունում։

Առաջին տեղը զբաղեցրեց Ռուսաստանի հավաքականը՝ 170 միավորով։ Լավագույն եռյակը եզրափակեց Ադրբեջանը՝ 118 միավորով։

Հայաստանի հավաքականի յոթ մեդալը

Հայ ըմբիշները մրցաշարում նվաճեցին 7 մեդալ՝ 2 ոսկե, 2 արծաթե և 3 բրոնզե։ Սա երկու մեդալով ավելի է, քան նախորդ տարի։

Եվրոպայի Մ17 չեմպիոններ դարձան Ջանես Նազարյանը՝ մինչև 71 կգ քաշային կարգում, և Վահե Հոեանը՝ մինչև 80 կգ քաշային կարգում։

Նազարյանը մրցաշարն անցկացրեց գերիշխող ոճով և այն ավարտեց՝ մրցակիցներին չզիջելով ոչ մի միավոր։ Եզրափակիչում հայ ըմբիշը 4։0 հաշվով հաղթեց Վրաստանի ներկայացուցիչ Ռամազ Բասիլիային։

Վահե Հովեանը նույնպես դարձավ Հայաստանի հավաքականի գլխավոր հերոսներից մեկը։ Մինչև 80 կգ քաշային կարգի եզրափակիչում նա ժամանակից շուտ 8։0 հաշվով հաղթեց հունգարացի Դոմինիկ Ժիլագիին և Հայաստանի հավաքականին բերեց այս մրցաշարի առաջին ոսկին։

Արծաթե մեդալներ նվաճեցին Զավեն Մեժլումյանը՝ մինչև 65 կգ, և Ալեքսան Շալջյանը՝ մինչև 92 կգ քաշային կարգերում։ Բրոնզե մեդալակիրներ դարձան Վազգեն Վարդանյանը՝ մինչև 45 կգ, Արարատ Ավետիսյանը՝ մինչև 48 կգ, և Գեղամ Եղիազարյանը՝ մինչև 55 կգ։

Հայաստանի հավաքականի մեդալակիրները Եվրոպայի Մ17 առաջնությունում

Ոսկի

Ջանես Նազարյան — 71 կգ
Վահե Հովեան — 80 կգ

Արծաթ

Զավեն Մեժլումյան — 65 կգ
Ալեքսան Շալջյան — 92 կգ

Բրոնզ

Վազգեն Վարդանյան — 45 կգ
Արարատ Ավետիսյան — 48 կգ
Գեղամ Եղիազարյան — 55 կգ

Հայաստանի հավաքականի կազմում Նարեկ Ալեյանը մինչև 51 կգ քաշային կարգում զբաղեցրեց 7-րդ տեղը, Կորյուն Ավետիսյանը մինչև 110 կգ քաշային կարգում դարձավ 10-րդը, իսկ Սամվել Տոնոյանը մինչև 60 կգ քաշային կարգում մրցաշարն ավարտեց 11-րդ հորիզոնականում։

Հունահռոմեական ըմբշամարտի Եվրոպայի Մ17 առաջնության թիմային հաշվարկը

Ռուսաստան — 170 միավոր
Հայաստան — 145 միավոր
Ադրբեջան — 118 միավոր

Ռուսաստանը հաղթեց թիմային հաշվարկում՝ նվաճելով 5 ոսկե, 1 արծաթե և 1 բրոնզե մեդալ։ Հայաստանը դարձավ մրցաշարի երկրորդ թիմը և հաստատեց հունահռոմեական ըմբշամարտի պատանեկան դպրոցի բարձր մակարդակը։

Հունահռոմեական ըմբշամարտի Եվրոպայի Մ17 առաջնության բոլոր արդյունքները

Մինչև 45 կգ

1. Ալի Ջավադլի (Ադրբեջան)
2. Ումար Բոգատիրև (Ռուսաստան)
3. Վազգեն Վարդանյան (Հայաստան) և Օմեր Արսլան (Թուրքիա)

Մինչև 48 կգ

1. Արտեմ Տկաչենկո (Ռուսաստան)
2. Օմար Սալմանով (Ադրբեջան)
3. Արարատ Ավետիսյան (Հայաստան) և Սամիլ Սահան (Թուրքիա)

Մինչև 51 կգ

1. Ինալ Տեմերսուլտանով (Ռուսաստան)
2. Իսլամ Իսաև (Շվեդիա)
3. Հուսեյն Մուստաֆազադե (Ադրբեջան) և Վադիմ Տարելունգա (Մոլդովա)

Մինչև 55 կգ

1. Էդեմ Պայզիև (Ռուսաստան)
2. Գուրբան Մաժնունով (Ադրբեջան)
3. Աբու Բակար Սագա (Նորվեգիա) և Գեղամ Եղիազարյան (Հայաստան)

Մինչև 60 կգ

1. Գեորգի Մարկով (Բուլղարիա)
2. Կրիշտիանո Լիբցայթ (Գերմանիա)
3. Վլադ Դումինիցա (Մոլդովա) և Միխայիլ Ստեպանով (Ռուսաստան)

Մինչև 65 կգ

1. Ասլան Ձուև (Ռուսաստան)
2. Զավեն Մեժլումյան (Հայաստան)
3. Օրխան Հաբիբլի (Ադրբեջան) և Իմրե Յուհաժ (Հունգարիա)

Մինչև 71 կգ

1. Ջանես Նազարյան (Հայաստան)
2. Ռամազ Բասիլիա (Վրաստան)
3. Էլի Օժալա (Ֆինլանդիա) և Նիկոլաս Դե Գրեցիս (Իտալիա)

Մինչև 80 կգ

1. Վահե Հովեան (Հայաստան)
2. Դոմինիկ Ժիլագի (Հունգարիա)
3. Լուկա Բուիգլիշվիլի (Վրաստան) և Բենեդիկտաս Բուբելևիչուս (Լիտվա)

Մինչև 92 կգ

1. Տոմաշ Միտալ (Լեհաստան)
2. Ալեքսան Շալջյան (Հայաստան)
3. Մարկ Կոտ (Բելառուս) և Զոհրաբ Սաֆարով (Ադրբեջան)

Մինչև 110 կգ

1. Ֆյոդոր Սուխարև (Ռուսաստան)
2. Մատեուշ Տոմելկա (Լեհաստան)
3. Սաբա Տակիձե (Վրաստան) և Եգոր Սավիչ (Բելառուս)