Հայաստանի մինչև 19 տարեկանների հավաքականը պարտվեց Նորվեգիային ԵՎՐՈ-2026-ի ընտրական փուլում
- Հեղինակ: Vahe Hakobyan
- Sportaran
Հայաստանի մինչև 19 տարեկանների ֆուտբոլային հավաքականը, Գերմանիայից կրած պարտությունից հետո, ԵՎՐՈ-2026-ի ընտրական փուլի երկրորդ տուրում ևս պարտություն կրեց՝ այս անգամ Նորվեգիայից՝ 0:4 հաշվով։ Հանդիպումը կայացավ հոկտեմբերի 11-ին Նորվեգիայի Շիեն քաղաքում։
Հաշիվը բացվեց 43-րդ րոպեին․ գոլի հեղինակ դարձավ նորվեգական «Մոլդե»-ի հարձակվողը։ 68-րդ րոպեին Լիես Վեստը կրկնապատկեց տանտերերի առավելությունը, իսկ խաղի վերջնամասում՝ 82-րդ և 83-րդ րոպեներին, Շոն Նիլսեն-Մոդեբեն և Մարկուս Վելերը խփեցին ևս երկու գոլ՝ ամրապնդելով Նորվեգիայի հաղթանակը։
Հայաստանի կազմը՝
Արտեմ Դավթյան, Գարի Գրիգորյան, Սեդրակ Մովսիսյան, Արշակ Պետրոսյան, Հարություն Մուսիկյան, Արման Իսասյան, Դավիթ Բատոյան, Կարեն Հովակիմյան, Խոսրով Ղազարյան, Արթուր Մովսեսյան, Մարտին Գալստյան։
Հաջորդ հանդիպումը խմբի 12-ում Հայաստանի թիմը կանցկացնի հոկտեմբերի 14-ին՝ Կոսովոյի դեմ, որը ևս ավելի վաղ պարտվել էր Նորվեգիային նույն հաշվով՝ 0:4։