«Ուրարտուն» հաղթեց «Շիրակին» Իշիբաշիի՝ Հայաստանի առաջնությունում խփած առաջին գոլի շնորհիվ
Ֆուտբոլ
- Հեղինակ: Vahe Hakobyan
- Sportaran
«Ուրարտուն» Հայաստանի առաջնության արտագնա խաղում 1:0 հաշվով հաղթեց «Շիրակին»։
Հանդիպման միակ գոլը գրանցվեց 67-րդ րոպեին։ Կացույուկի Իշիբաշին Բրունո Միշելի փոխանցումից հետո գրավեց մրցակցի դարպասը և երևանյան թիմին երեք միավոր պարգևեց։ Ճապոնացի ֆուտբոլիստի համար սա առաջին գոլն էր Հայաստանի առաջնությունում։
Գյումրիում կայացած հանդիպումը հեշտ չդասավորվեց Ռոբերտ Արզումանյանի թիմի համար։ «Շիրակն» ավանդաբար լուրջ մրցակից է սեփական հարկի տակ, սակայն «Ուրարտուին» հաջողվեց կարևոր հաղթանակ տանել և նվազագույն առավելությունը պահպանել մինչև եզրափակիչ սուլիչը։
Չորս տուրից հետո «Ուրարտուն» վաստակել է 7 միավոր և զբաղեցնում է մրցաշարային աղյուսակի 5-րդ հորիզոնականը։ «Շիրակն» ունի 4 միավոր և 7-րդ տեղում է։