SPORTARAN
Հայկական սպորտային նորություններ

Հայտնի է Դոհայում կայանալիք օլիմպիական վարկանիշային մրցաշարում Հայաստանի ծանրորդների ելույթների ժամանակացույցը


Հայտնի է Դոհայում կայանալիք օլիմպիական վարկանիշային մրցաշարում Հայաստանի ծանրորդների ելույթների ժամանակացույցը
Ծանրամարտ

Դեկտեմբերի 7-ից 16-ը Կատարի մայրաքաղաք Դոհայում կանցկացվի Ծանրամարտի միջազգային ֆեդերացիայի (IWF) առաջին վարկանիշային մրցաշարը՝ 2028 թվականի Լոս Անջելեսի Օլիմպիական խաղերի համար։ Հայաստանի հավաքականը կներկայացնեն երեք մարզիկներ՝ Գոռ Սահակյանը, Արա Աղանյանը և Գարիկ Կարապետյանը։

Հայաստանի ծանրամարտի ֆեդերացիան հրապարակել է ազգային հավաքականի ելույթների ժամանակացույցը։ Երեք ծանրորդներն էլ իրենց քաշային կարգերում նախնական հայտերով լավագույն արդյունքներից մեկն ունեն։

Հայաստանի հավաքականի ելույթների ժամանակացույցը Դոհայում

  • Դեկտեմբերի 10, 18:00 — Գոռ Սահակյան (75 կգ)

  • Դեկտեմբերի 14, 18:00 — Արա Աղանյան (95 կգ)

  • Դեկտեմբերի 15, 15:30 — Գարիկ Կարապետյան (110 կգ)

Գարիկ Կարապետյանը նախնական հայտի առաջատարների թվում է

Մինչև 110 կգ քաշային կարգում Գարիկ Կարապետյանը հայտավորել է 410 կգ երկամարտի արդյունք՝ այդ ցուցանիշով կիսելով առաջին տեղը բուլղարացի Խրիստո Խրիստովի և Ռումինիան ներկայացնող Լուիս Մանուել Լաուրետ Ռոդրիգեսի հետ։

Մինչև 95 կգ քաշային կարգում Արա Աղանյանը հայտավորել է երրորդ լավագույն արդյունքը՝ 385 կգ։ Հայ ծանրորդից առաջ են բուլղարացի Կառլոս Նասարը և Բահրեյնը ներկայացնող Յոքսեր Կինտոն, որոնք հայտավորել են 390-ական կգ։

Մինչև 75 կգ քաշային կարգում Գոռ Սահակյանը նույնպես նախնական հայտով երրորդն է՝ 345 կգ արդյունքով։ Նրանից առաջ են ինդոնեզացի Ռահմատ Էրվին Աբդուլլահը (355 կգ) և ԿԺԴՀ ներկայացուցիչ Ռի Ռյոն Հյոնը (350 կգ)։ Միևնույն ժամանակ, IWF-ի հրապարակած ցուցակում Սահակյանն առայժմ նշված է որպես պահեստային մարզիկ։

Նշենք, որ հայտավորված կիլոգրամները նախնական են և չեն երաշխավորում համապատասխան արդյունքներ մրցումների ընթացքում։

Հայաստանի կանանց հավաքականը Դոհայի մրցաշարին չի մասնակցի։

Մրցաշարը կլինի 2028 թվականի Օլիմպիական խաղերի ընտրական փուլի մի մասը։ Օլիմպիական որակավորման գործընթացը մեկնարկել է 2026 թվականին Չինաստանի Նինբո քաղաքում անցկացված աշխարհի առաջնությունում և կշարունակվի հաջորդ միջազգային մրցաշարերում։

Դոհայում գրանցված արդյունքները հաշվի կառնվեն օլիմպիական վարկանիշի ձևավորման ժամանակ, որի հիման վրա կբաշխվեն Լոս Անջելեսի Օլիմպիական խաղերի ուղեգրերը։


Telegram Sportaran

Մենք սոցիալական ցանցերում

Sportaran.com

Արտաշատ, Հայաստան

+79773129879

sportaran@gmail.com

Ընկերության մասին

Sportaran.com – ձեր հուսալի աղբյուրը Հայաստանի և աշխարհի սպորտային նորությունների համար։ Մենք ամեն օր լուսաբանում ենք ֆուտբոլի, բասկետբոլի, թենիսի, բռնցքամարտի, ըմբշամարտի, ծանրամարտի և այլ սպորտաձևերի կարևոր իրադարձությունները։ Բացառիկ հարցազրույցներ, վերլուծություններ, խաղերի արդյունքներ, ինչպես նաև թարմ ակնարկներ և ռեպորտաժներ՝ այս ամենը դուք կգտնեք մեր կայքում։ Մնացեք մեզ հետ՝ տեղեկացված լինելու համար ամենակարևոր իրադարձությունների վերաբերյալ։

Կայքից նյութերի օգտագործումը թույլատրվում է միայն ակտիվ հղումով։

© 2026 sportaran.comԲոլոր իրավունքները պաշտպանված են։ Կայքի հեղինակ՝ Վահե Հակոբյան։