Հայաստանի բռնցքամարտի հավաքականը հրապարակել է Լեհաստանի դեմ Պոզնանում կայանալիք հանդիպման կազմը
- Հեղինակ: Vahe Hakobyan
- Sportaran
Հայաստանի բռնցքամարտի հավաքականը կմասնակցի Suzuki Boxing Night 44 միջազգային մրցաշարին, որը կկայանա 2026 թվականի նոյեմբերի 28-ին Լեհաստանի Պոզնան քաղաքում։ Բռնցքամարտի երեկոյի շրջանակում հայ մարզիկները թիմային հանդիպում կանցկացնեն Լեհաստանի ազգային հավաքականի դեմ։
Հայաստանի բռնցքամարտի ֆեդերացիան հրապարակել է տասը բռնցքամարտիկներից բաղկացած կազմը, որը կներկայացնի երկիրը առաջիկա մրցումներում։
Հայաստանի հավաքականի կազմը Suzuki Boxing Night 44-ում
-
Ռուսլան Ասլիկյան
-
Ոսկան Ոսկանյան
-
Անդրանիկ Սեդրակյան
-
Ալբերտ Հարությունյան
-
Աղվան Ալեքսանյան
-
Միսակ Թեփանյան
-
Արթուր Սահակյան
-
Էդգար Սուքիասյան
-
Տիգրան Սարգսյան
-
Ռոմիկ Հարությունյան
Հայաստանի հավաքականը հանդես կգա մարզիչներ Սարգիս Կարապետյանի և Արման Օվխիկյանի գլխավորությամբ։ Պատվիրակությանը կուղեկցի նաև «Կրիկյան» բռնցքամարտի ակումբի հիմնադիր Արթուր Կրիկյանը։
Ուղևորությունը կազմակերպվել է Լեհաստանի բռնցքամարտի ֆեդերացիայի և «Կրիկյան» ակումբի հետ համագործակցության շրջանակում՝ Հայաստանի բռնցքամարտի ֆեդերացիայի նախագահ Հովհաննես Հովսեփյանի ֆինանսական աջակցությամբ։
Suzuki Boxing Night 44-ը կանցկացվի նոյեմբերի 28-ին Պոզնանի AWF մարզադահլիճում։ Մրցումների մեկնարկը նախատեսված է տեղական ժամանակով ժամը 19:00-ին։ Ուղիղ հեռարձակումը կիրականացնի լեհական TVP Sport հեռուստաալիքը։
Հայաստանի և Լեհաստանի հավաքականները նախկինում ևս հանդիպել են Suzuki Boxing Night մրցաշարերի շարքի շրջանակում։ 2022 թվականին հայ բռնցքամարտիկները հաղթել են 10:8 հաշվով, իսկ 2023 թվականին Լեհաստանի հավաքականը ռևանշի է հասել՝ հաղթելով 16:4 հաշվով։