Արգիշտի Հակոբյանն ու Ալիկ Հովհաննիսյանը դուրս են եկել բռնցքամարտի Եվրոպայի Մ23 առաջնության քառորդ եզրափակիչ
- Հեղինակ: Vahe Hakobyan
- Sportaran
Հայ բռնցքամարտիկներ Արգիշտի Հակոբյանն ու Ալիկ Հովհաննիսյանը դուրս են եկել Խորվաթիայի Պորեչ քաղաքում ընթացող բռնցքամարտի Եվրոպայի մինչև 23 տարեկանների առաջնության քառորդ եզրափակիչ։ Հայաստանի երկու ներկայացուցիչներն էլ նոյեմբերի 19-ին հաղթահարել են 1/8 եզրափակչի փուլը։
Մինչև 65 կգ քաշային կարգում Արգիշտի Հակոբյանը պետք է մենամարտեր Ռումինիայի ներկայացուցիչ Արուն Նիկու Տուդորուի հետ։ Սակայն ռումինացի բռնցքամարտիկը հրաժարվել է մենամարտից, ինչի արդյունքում Հակոբյանն առանց պայքարի ստացել է քառորդ եզրափակչի ուղեգիր։
Մինչև 80 կգ քաշային կարգում Ալիկ Հովհաննիսյանը հաղթանակ է տարել Իսրայելը ներկայացնող Նիկիտա Պադիի նկատմամբ։ Հայ բռնցքամարտիկը մրցավարների որոշմամբ հաղթել է 4։0 հաշվով և շարունակում է պայքարը մեդալների համար։
Այսպիսով, Հայաստանի ևս երկու ներկայացուցիչ ապահովել են իրենց մասնակցությունը մրցաշարի քառորդ եզրափակչին։
Հիշեցնենք, որ նոյեմբերի 18-ին Եվրոպայի Մ23 առաջնության քառորդ եզրափակիչ էին դուրս եկել նաև հայ բռնցքամարտիկներ Վաղարշակ Քեյանը (55 կգ) և Դավիթ Սիմոնյանը (90 կգ)։
Այժմ Հայաստանի չորս ներկայացուցիչներ շարունակում են պայքարը կիսաեզրափակիչ դուրս գալու համար, ինչը կապահովի առնվազն բրոնզե մեդալ։