«Ուրարտուն» հայտարարեց ճապոնացի վինգեր Կացույուկի Իշիբաշիի տեղափոխության մասին
Ֆուտբոլ
- Հեղինակ: Vahe Hakobyan
- Sportaran
«Ուրարտուն» պաշտոնապես հայտարարեց ճապոնացի վինգեր Կացույուկի Իշիբաշիի հետ պայմանագիր կնքելու մասին։ 24-ամյա ֆուտբոլիստը դարձավ երևանյան ակումբի առաջին պաշտոնական նորեկը ամառային տրանսֆերային պատուհանի ընթացքում։
Իշիբաշիի վերջին ակումբը եղել է Սինգապուրի բարձրագույն լիգան ներկայացնող «Ալբիրեքս Նիիգատան»։ Նախորդ մրցաշրջանում ճապոնացի ֆուտբոլիստը թիմի կազմում անցկացրել է 27 հանդիպում, խփել 3 գոլ և կատարել 7 գոլային փոխանցում։
Ավելի վաղ Իշիբաշին հանդես է եկել նաև Ճապոնիայի և Հարավային Կորեայի երրորդ լիգաներում։ Ֆուտբոլիստի տրանսֆերային արժեքը գնահատվում է 175 հազար եվրո։ Վինգերի հասակը 172 սմ է։
«Ուրարտուի» համար սա ամռան առաջին պաշտոնական համալրումն է։ Թիմը սկսում է ձևավորել կազմը Հայաստանի առաջնության նոր մրցաշրջանից առաջ։