Տրինկանը կարող է դառնալ Սպերցյանի թիմակիցը «Ալ-Ահլիում»
- Հեղինակ: Vahe Hakobyan
- Sportaran
Սաուդյան «Ալ-Ահլին» շարունակում է ակտիվ աշխատանքը տրանսֆերային շուկայում։ Ակումբը առաջադեմ բանակցություններ է վարում «Սպորտինգի» հետ պորտուգալացի վինգեր Ֆրանսիշկու Տրինկանի տեղափոխության շուրջ։
Նախնական տեղեկություններով՝ կողմերն արդեն քննարկում են գործարքի պայմանները, իսկ ֆուտբոլիստը բաց է Սաուդյան Արաբիա տեղափոխվելու համար։ Հնարավոր տրանսֆերային արժեքը կարող է կազմել մոտ 50 միլիոն եվրո։
Տրինկանը «Ալ-Ահլիում» դիտարկվում է որպես Ռիյադ Մահրեզի հավանական փոխարինող։ Եթե գործարքը կայանա, պորտուգալացին կդառնա ակումբի այս ամառվա ամենաաղմկոտ տրանսֆերներից մեկը։
Հիշեցնենք, որ «Ալ-Ահլի» պետք է տեղափոխվի նաև Հայաստանի հավաքականի ավագ Էդուարդ Սպերցյանը։ Կիսապաշտպանն արդեն բուժզննում է անցնում սաուդյան ակումբի հետ պայմանագիր ստորագրելուց առաջ։
Այսպիսով, նոր մրցաշրջանում Սպերցյանը կարող է թիմակից ունենալ ևս մեկ աստղային հարձակվողական ֆուտբոլիստի։ Տրինկանը հայտնի է «Բարսելոնայում», «Վուլվերհեմփթոնում» և «Սպորտինգում» իր ելույթներով։