Թրամփը խոսել է ԱՄՆ-ում կայանալիք ԱԱ-2026-ին Իրանի մասնակցության մասին
- Հեղինակ: Vahe Hakobyan
- Sportaran
ԱՄՆ նախագահ Դոնալդ Թրամփը արձագանքել է ՖԻՖԱ-ի նախագահ Ջանի Ինֆանտինոյի հայտարարությանը, ըստ որի՝ Իրանի հավաքականը կմասնակցի 2026 թվականի աշխարհի առաջնությանը և իր հանդիպումները կանցկացնի ԱՄՆ տարածքում։
Լրագրողների հետ զրույցի ժամանակ Թրամփին հարցրել են, թե ինչպես է նա վերաբերվում այն փաստին, որ Իրանի թիմը կխաղա ԱՄՆ-ում անցկացվող մրցաշարում։ Ամերիկացի առաջնորդը պատասխանել է, որ վստահում է ՖԻՖԱ-ի նախագահի դիրքորոշմանը։
«Եթե Ջանին այդպես է ասել, ապա ես դեմ չեմ», — հայտարարել է Թրամփը։
Միևնույն ժամանակ ԱՄՆ նախագահը, իրեն բնորոշ ձևով, հեգնական մեկնաբանություն է ավելացրել Իրանի հավաքականի մարզական մակարդակի վերաբերյալ.
«Նրանք լա՞վ թիմ ունեն։ Անկեղծ ասած՝ դրան դժվար է հավատալ»։
Ավելի վաղ Ջանի Ինֆանտինոն պաշտոնապես հաստատել էր, որ Իրանը չի հեռացվի ԱԱ-2026-ի մասնակիցների ցանկից և կխաղա ԱՄՆ-ում՝ չնայած քաղաքական լարվածությանը և հանդիպումները հնարավոր տեղափոխելու շուրջ քննարկումներին։ Reuters-ի տվյալներով՝ ՖԻՖԱ-ի ղեկավարը ընդգծել է, որ ֆուտբոլը պետք է միավորի մարդկանց և չդառնա քաղաքական հակամարտության մաս։
Իրանի հավաքականը հանդես կգա G խմբում, որտեղ նրա մրցակիցները կլինեն Բելգիան, Եգիպտոսը և Նոր Զելանդիան։ Խմբային փուլի իր հանդիպումները Իրանի թիմը պետք է անցկացնի Լոս Անջելեսում և Սիեթլում։
Քննարկեք նորությունները!
Անցնել մեկնաբանություններին ↓
Comments
0