Հայաստանը հրապարակել է Դոհայի օլիմպիական ընտրական մրցաշարի նախնական կազմը

Դոհայում կայանալիք վարկանիշային մրցաշարին Հայաստանի ծանրամարտի հավաքականի նախնական հայտում ընդգրկվել է 14 մարզիկ։ Հիմնական կազմում ընդգրկված են 11 ծանրորդ՝ վեց տղամարդ և հինգ կին, ևս երեք մարզիկ ընդգրկված են պահեստային կազմում։

Մրցումները կանցկացվեն Կատարի մայրաքաղաքում դեկտեմբերի 7-ից 16-ը և Նինբոյում կայացած աշխարհի առաջնությունից հետո կդառնան Լոս Անջելեսի 2028 թվականի Օլիմպիական խաղերի որակավորման երկրորդ մրցաշարը։

Հայտավորված մարզիկների թվում են Վարազդատ Լալայանը, Գարիկ Կարապետյանը, Ալեքսանդրա Գրիգորյանը և Էմմա Պողոսյանը։

Հիմնական կազմ

Տղամարդիկ՝

• Մինչև 75 կգ՝ Գոռ Սահակյան։

• Մինչև 85 կգ՝ Ռաֆիկ Հարությունյան։

• Մինչև 95 կգ՝ Արա Աղանյան։

• Մինչև 95 կգ՝ Դավիթ Հովհաննիսյան։

• Մինչև 110 կգ՝ Գարիկ Կարապետյան։

• 110 կգ-ից բարձր՝ Վարազդատ Լալայան։

Կանայք՝

• Մինչև 61 կգ՝ Ալեքսանդրա Գրիգորյան։

• Մինչև 77 կգ՝ Աննա Ամրոյան։

• Մինչև 77 կգ՝ Ալինա Սուքիասյան։

• Մինչև 86 կգ՝ Էմմա Պողոսյան։

• Մինչև 86 կգ՝ Լիանա Գյուրջյան։

Պահեստային կազմ

• Մինչև 75 կգ՝ Տիգրան Կարապետյան։

• Մինչև 85 կգ՝ Մարտին Պողոսյան։

• Մինչև 69 կգ՝ Մերի Միսակյան։

Հայտը նախնական է․ Հայաստանի մասնակիցների վերջնական կազմը դեռ կարող է փոփոխվել։