Հայաստանի Մ17 հավաքականը կմրցի Ֆրանսիայի, Իտալիայի և Լյուքսեմբուրգի հետ․ ԵՎՐՈ-2027-ի ընտրական խաղերի ժամանակացույցը

Նոյեմբերի 11-ից 17-ը Երևանում և Աբովյանում կանցկացվեն մինչև 17 տարեկանների Եվրոպայի 2027 թվականի առաջնության որակավորման առաջին փուլի հանդիպումները։ Հայաստանի հավաքականի մրցակիցները կլինեն Ֆրանսիան, Իտալիան և Լյուքսեմբուրգը։

Հայաստանի հավաքականի բոլոր երեք հանդիպումները կկայանան Երևանի Ավան վարչական շրջանում գտնվող ՀՖՖ ակադեմիայի մարզադաշտում։ Խմբի մյուս խաղերը կընդունի Աբովյանի քաղաքային մարզադաշտը։

Հայաստանի հավաքականը մրցաշարը կսկսի նոյեմբերի 11-ին՝ Ֆրանսիայի դեմ հանդիպումով, ապա նոյեմբերի 14-ին կմրցի Իտալիայի հետ, իսկ նոյեմբերի 17-ին ելույթները կավարտի Լյուքսեմբուրգի դեմ խաղով։

Խաղերի ամբողջական ժամանակացույցը

Ժամերը նշված են Երևանի ժամանակով։

Նոյեմբերի 11

• 12:00. Լյուքսեմբուրգ — Իտալիա — Աբովյանի քաղաքային մարզադաշտ։

• 15:00. Ֆրանսիա — Հայաստան — ՀՖՖ ակադեմիայի մարզադաշտ, Ավան։

Նոյեմբերի 14

• 12:00. Ֆրանսիա — Լյուքսեմբուրգ — Աբովյանի քաղաքային մարզադաշտ։

• 15:00. Իտալիա — Հայաստան — ՀՖՖ ակադեմիայի մարզադաշտ, Ավան։

Նոյեմբերի 17

• 14:00. Իտալիա — Ֆրանսիա — Աբովյանի քաղաքային մարզադաշտ։

• 14:00. Հայաստան — Լյուքսեմբուրգ — ՀՖՖ ակադեմիայի մարզադաշտ, Ավան։

Հայաստանի հավաքականի հայտացուցակը

Դարպասապահներ

• Սարգիս Պետրոսյան — «Ակադեմիա»

• Գևորգ Ղազարյան — «Ուրարտու»

• Կարեն Ղազարյան — «Ուրարտու»

Պաշտպաններ

• Գոռ Մկրտչյան — «Ակադեմիա»

• Էդգար Պետրոսյան — «Ուրարտու»

• Ռոբերտ Հովակիմյան — «Փյունիկ»

• Հայկ Ասատրյան — «Փյունիկ»

• Արեն Բաբայան — «Արարատ-Արմենիա»

• Քոլին Մալինզ — «Գելաքսի» (ԱՄՆ)

• Նարեկ Օսիպյան — «Ռոդինա» (Ռուսաստան)

• Արտյոմ Խարթենյան — «Փյունիկ»

Կիսապաշտպաններ

• Գրիգ Մխիթարյան — «Ակադեմիա»

• Սամվել Պետրոսյան — «Ուրարտու»

• Հրանտ Հովհաննիսյան — «Ուրարտու»

• Բենիամին Բեգլարյան — «Ուրարտու»

• Արման Սեխլյան — «Ուրարտու»

• Սամվել Բեգլարյան — «Ուրարտու»

• Ալեքս Գասպարյան — «Փյունիկ»

• Գրիգոր Հարությունյան — «Փյունիկ»

• Էրիկ Վուվունիկյան — ԲԿՄԱ

• Նելսոն Ասոյան — «Մարսետ» (Իսպանիա)

Հարձակվողներ

• Հակոբ Ղարիբյան — «Ուրարտու»

• Խաչատուր Գևորգյան — «Փյունիկ»