Աշխարհի 2025-ի ծանրամարտի առաջնությունում Հայաստանի ծանրամարտիկների ելույթների ժամանակացույցը

Հայաստանի ծանրամարտի ֆեդերացիան հրապարակել է Հայաստանի հավաքականի ելույթների ժամանակացույցը առաջիկա աշխարհի առաջնությունում, որը կանցկացվի Նորվեգիայի Ֆորդե քաղաքում։

Հայաստանի հավաքականի կազմում աշխարհի առաջնությանը կմասնակցի 7 ծանրամարտիկ։

Հայ մարզիկները մրցահարթակ կբարձրանան հետևյալ օրերին (ժամը՝ Երևանի ժամանակով).

• Հոկտեմբերի 3, 21:30 — 60 կգ քաշային կարգում կներկայանա Գառնիկ Չոլակյանը։

• Հոկտեմբերի 5, 21:30 — 71 կգ քաշային կարգում ելույթ կունենա Գոռ Սահակյանը։

• Հոկտեմբերի 7, 19:00 — 88 կգ քաշային կարգում հանդես կգա Սուրեն Գրիգորյանը։ Նույն քաշային կարգում կմրցի նաև Անդրանիկ Կարապետյանը (Բոսնիա և Հերցեգովինա)։

• Հոկտեմբերի 8, 19:00 — 77 կգ քաշային կարգի B խմբում ելույթ կունենա Աննա Ամրոյանը։

• Հոկտեմբերի 10, 21:30 — հայ երկրպագուները կտեսնեն միանգամից երկու հայ ծանրամարտիկի՝ Սիմոն Մարտիրոսյանին և Գարիկ Կարապետյանին (մինչև 110 կգ)։

• Հոկտեմբերի 11, 18:00 — առաջնությունն ավարտելու է Վարազդատ Լալայանը (+110 կգ)։ Նույն քաշային կարգում հանդես կգա նաև Գոռ Մինասյանը (Բահրեյն)։

Բոլոր մրցումները կհեռարձակվեն ուղիղ եթերով Հայաստանի Հանրային հեռուստաընկերությամբ։