Նարեկ Ալավերդյանը տեղափոխվել է «Արարատ»
Ֆուտբոլ
- Հեղինակ: Vahe Hakobyan
- Sportaran
«Արարատը» հայտարարել է կիսապաշտպան Նարեկ Ալավերդյանի տեղափոխության մասին «Արարատ-Արմենիայից»։
Հայաստանի երիտասարդական հավաքականի նախկին ավագը վերջին մրցաշրջանը վարձավճարով անցկացրել է «Գանձասարում»։ Կապանյան ակումբի կազմում Ալավերդյանը մասնակցել է 21 հանդիպման և դարձել 1 գոլի հեղինակ։
Ավելի վաղ ֆուտբոլիստը երկու մրցաշրջան պատկանում էր «Արարատ-Արմենիային», սակայն չկարողացավ ամրապնդվել թիմի կազմում։ Մինչ այդ Ալավերդյանը հաջողությամբ հանդես էր գալիս ԲԿՄԱ-ում, որտեղ թիմի աչքի ընկնող խաղացողներից մեկն էր։
«Արարատի» համար սա հերթական համալրումն է ամառային տրանսֆերային պատուհանի ընթացքում։ Ավելի վաղ երևանյան ակումբը պայմանագիր էր կնքել նաև Արման Խաչատրյանի և Բենիկ Հովհաննիսյանի հետ։