Հայաստանի հավաքականը ներկայացրել է Թբիլիսիում կայանալիք MMA-ի IMMAF աշխարհի 2026 թվականի առաջնության կազմը

Հայաստանի խառը մենամարտերի (MMA) հավաքականը կմասնակցի Խառը մենամարտերի միջազգային ֆեդերացիայի (IMMAF) հովանու ներքո անցկացվող աշխարհի 2026 թվականի առաջնությանը։ Մրցաշարը տեղի կունենա նոյեմբերի 1-ից 7-ը Վրաստանի մայրաքաղաք Թբիլիսիում։

Աշխարհի առաջնությունում Հայաստանը կներկայացնեն հինգ մարզիկներ, որոնք հանդես կգան երկու տարիքային խմբերում՝ մեծահասակների և մինչև 20 տարեկանների (U20) պայքարում։

Մեծահասակների հավաքականի կազմում ընդգրկվել են երեք մարզիկներ, այդ թվում՝ աշխարհի առաջնության բրոնզե և Եվրոպայի առաջնության արծաթե մեդալակիր Արթուր Ասոյանը։

Մինչև 20 տարեկանների պայքարում առանձնահատուկ ուշադրության կենտրոնում կլինի Արայիկ Սահակյանը, որը 2024 թվականին նվաճել է IMMAF-ի մինչև 20 տարեկանների աշխարհի չեմպիոնի տիտղոսը։

Հայաստանի հավաքականի կազմը MMA-ի աշխարհի 2026 թվականի առաջնությունում

Մեծահասակներ

• 56,7 կգ: Արթուր Ասոյան — աշխարհի առաջնության բրոնզե և Եվրոպայի առաջնության արծաթե մեդալակիր։

• 74,8 կգ: Մկրտիչ Վարդանյան, Վահան Մաթևոսյան։

Երիտասարդներ (U20)

• 61,2 կգ: Օնիկ Մարտիրոսյան։

• 70,3 կգ: Արայիկ Սահակյան — 2024 թվականի U20 աշխարհի չեմպիոն։

IMMAF-ի աշխարհի առաջնությունը սիրողական MMA-ի միջազգային կարևորագույն մրցաշարերից մեկն է։ Թբիլիսիում հայ մարզիկները մեդալների համար կպայքարեն ինչպես մեծահասակների, այնպես էլ երիտասարդների տարիքային խմբերում։