Բռնցքամարտի ԱԱ-2026-ի արդյունքները (U19). Հայաստանը նվաճեց բրոնզ, Ռուսաստանը հաղթեց մեդալային հաշվարկում

Հոկտեմբերի 27-ին Չեռնոգորիայի Բուդվա քաղաքում ավարտվեց մինչև 19 տարեկան բռնցքամարտիկների աշխարհի առաջնությունը (U19)։ Սա World Boxing կազմակերպության հովանու ներքո այս տարիքային խմբում անցկացված աշխարհի երկրորդ առաջնությունն էր։ Մրցաշարում խաղարկվեց մեդալների 20 հավաքածու՝ տասական պատանիների և աղջիկների պայքարում։

Հայաստանի հավաքականն աշխարհի առաջնությանը մասնակցեց ինը բռնցքամարտիկով և մրցաշարն ավարտեց մեկ բրոնզե մեդալով։ Հայկական թիմի միակ մեդալակիրը դարձավ Արտյոմ Ստեփանյանը, որը հանդես էր գալիս մինչև 70 կգ քաշային կարգում։

Կիսաեզրափակիչի ճանապարհին Ստեփանյանը երեք հաղթանակ տարավ՝ հաջորդաբար պարտության մատնելով Լատվիայի, Բուլղարիայի և Ռուսաստանի ներկայացուցիչներին։ Եզրափակիչի ուղեգրի համար պայքարում հայ բռնցքամարտիկը հանդիպեց իռլանդացի Ջոն Դանիել Մահերի հետ և լարված մենամարտում պարտվեց մրցավարների ոչ միաձայն որոշմամբ՝ 2:3։

Այսպիսով, Ստեփանյանը դարձավ աշխարհի առաջնության բրոնզե մեդալակիր՝ Հայաստանի հավաքականին պարգևելով մրցաշարի միակ մեդալը։

Այս քաշային կարգում աշխարհի չեմպիոն դարձավ իռլանդացի Ջոն Դանիել Մահերը, որը եզրափակիչում մրցավարների միաձայն որոշմամբ հաղթեց ղազախստանցի Բիբարս Աշիրբային։

Ռուսաստանը հաղթեց մեդալային հաշվարկում, Ուզբեկստանը՝ երկրորդը

Ընդհանուր մեդալային հաշվարկում առաջին տեղը զբաղեցրեց Ռուսաստանի հավաքականը՝ նվաճելով հինգ ոսկե և հինգ արծաթե մեդալ։ Ռուս բռնցքամարտիկները երեք չեմպիոնական տիտղոս նվաճեցին աղջիկների, ևս երկուսը՝ պատանիների մրցումներում։

Երկրորդ տեղը զբաղեցրեց Ուզբեկստանը, որի ներկայացուցիչները նվաճեցին ութ մեդալ՝ չորս ոսկե, երկու արծաթե և երկու բրոնզե։

Լավագույն եռյակը եզրափակեց ԱՄՆ-ի հավաքականը՝ երկու ոսկե, մեկ արծաթե և երկու բրոնզե մեդալով։

Ընդհանուր առմամբ աշխարհի չեմպիոն դարձան 12 երկրների ներկայացուցիչներ։ Մրցաշարին մասնակցեցին 69 ազգային ֆեդերացիաների բռնցքամարտիկներ։

Բռնցքամարտի U19 ԱԱ-2026-ի մեդալային հաշվարկը

Հայաստանն աշխարհի առաջնությունն ավարտեց մեկ բրոնզե մեդալով։

Բռնցքամարտի U19 աշխարհի 2026 թվականի առաջնության բոլոր արդյունքները

Պատանիներ

Մինչև 50 կգ

1. Աարոն Սարվար (Շոտլանդիա)

2. Վլադիմիր Օրլով (Ռուսաստան)

3. Ռիադ Բելհայդուշ (Ալժիր) և Շալվա Բերիձե (Վրաստան)

Մինչև 55 կգ

1. Ադիտյա Ադիտյա (Հնդկաստան)

2. Իսլամ Մագոմեդով (Ռուսաստան)

3. Նիհաթ Գասիմով (Ադրբեջան) և Գուստավո դա Սիլվա (Բրազիլիա)

Մինչև 60 կգ

1. Էդգարդո Նիկոլաս Պերալտա (Արգենտինա)

2. Քալիբ Ուոլշ (Իռլանդիա)

3. Դանիյար Ակբիսենով (Ղազախստան) և Նեարխոս Կոնստանտինուդիս (Հունաստան)

Մինչև 65 կգ

1. Յաշուա Լյութեր Ֆլեմինգ (Անգլիա)

2. Պաբլո Սոուտո Մասիաս (Իսպանիա)

3. Ջեյսոն Մահեր (Իռլանդիա) և Ասաան Սեկու Ջենկինս (ԱՄՆ)

Մինչև 70 կգ

1. Ջոն Դանիել Մահեր (Իռլանդիա)

2. Բիբարս Աշիրբայ (Ղազախստան)

3. Արտյոմ Ստեփանյան (Հայաստան) և Զուլֆիկոր Ադհամջոնով (Ուզբեկստան)

Մինչև 75 կգ

1. Սուխրոբ Ռահմատուլլաև (Ուզբեկստան)

2. Մոհամմադ Սալեհ Ռուզբահանի (Իրան)

3. Ջեյսոն Էնթոնի Ուելան (Իռլանդիա) և Քոբի Քելվին Քլարկ (Անգլիա)

Մինչև 80 կգ

1. Պրոխոր Ստարցև (Ռուսաստան)

2. Յիրասիլ Աշան (Չինաստան)

3. Դիտրիխ Հերման (Գերմանիա) և Տիբերիկո Նոկադելլո (Իտալիա)

Մինչև 85 կգ

1. Կիրիլ Կորշակով (Ռուսաստան)

2. Սարդորբեկ Բահրոմխուջաև (Ուզբեկստան)

3. Գյուլա Ժոլտ Բոզաի (Հունգարիա) և Խուլիո Կաչիմայ (Կուբա)

Մինչև 90 կգ

1. Ասադբեկ Սուլթանբոև (Ուզբեկստան)

2. Վլադիսլավ Նաումենկո (Ուկրաինա)

3. Ալբե Ջոն Դոուել (Անգլիա) և Երկետանգ Ժարկինբեկ (Ղազախստան)

90 կգ-ից բարձր

1. Իսլամ Սալիխով (Ուզբեկստան)

2. Վլադիսլավ Սամոժոնով (Ղազախստան)

3. Վոլոդիմիր Դրեկաչ (Ուկրաինա) և Սաֆդար Մամադզադե (Ադրբեջան)

Աղջիկներ

Մինչև 48 կգ

1. Էլիսանդրա Սանտոս (Բրազիլիա)

2. Հիյորի Միկի (Ճապոնիա)

3. Էլեն Ջոյս (Իռլանդիա) և Մուխտասար Ալիևա (Ուզբեկստան)

Մինչև 51 կգ

1. Նազոկատ Մարդանովա (Ուզբեկստան)

2. Ռուբի Լոպես (ԱՄՆ)

3. Մադիրա Ժումական (Ղազախստան) և Գրենյելիս Գարսիա Դիաս (Վենեսուելա)

Մինչև 54 կգ

1. Կիրա Մախոնենկո (Ուկրաինա)

2. Սիրույ Յանգ (Չինաստան)

3. Կեսիա Ռեալե (Իտալիա) և Գվադելուպե Ռուիս (ԱՄՆ)

Մինչև 57 կգ

1. Անաստասիա Գոլունովա (Ռուսաստան)

2. Ալինա Կուդայգենովա (Ղազախստան)

3. Բեսմա Բահրի (Ալժիր) և Յարուո Ժենգ (Չինաստան)

Մինչև 60 կգ

1. Շաշա Վանգ (Չինաստան)

2. Եկատերինա Նեսվետաևա (Ռուսաստան)

3. Ինդիրա Կիդիրմոլդաևա (Ղազախստան) և Լեքսի Ռոուզ Ուոլքեր (Անգլիա)

Մինչև 65 կգ

1. Լորին Էլմոր (ԱՄՆ)

2. Բելլա Զուևա (Ռուսաստան)

3. Հարսիկա Հարսիկա (Հնդկաստան) և Ամելիա Զամանա (Իտալիա)

Մինչև 70 կգ

1. Մարլի Մաքնիլի (ԱՄՆ)

2. Մաֆտունա Յանգիևա (Ուզբեկստան)

3. Քեյսի Քլիրի (Իռլանդիա) և Հանանե Կայնանե (Ալժիր)

Մինչև 75 կգ

1. Դարյա Անտիպովա (Ռուսաստան)

2. Շենգժե Գոնգ (Չինաստան)

3. Ստեֆանի դե Ամարալ (Բրազիլիա) և Էմիլի Դերասպ (Կանադա)

Մինչև 80 կգ

1. Եկատերինա Ֆրոլովա (Ռուսաստան)

2. Մեգհա Շեոկանդ (Հնդկաստան)

3. Սոֆիա Նովիկովա (Ուկրաինա) և Մեերիմ Չինիբեկովա (Ղրղզստան)

80 կգ-ից բարձր

1. Զարինա Տոլիբայ (Ղազախստան)

2. Սամիրա Իտոնիևա (Ռուսաստան)

3. Պրաչի Տոկաս (Հնդկաստան) և Միրայ Դողրու (Թուրքիա)