Հայկական ակումբների լեգեոներները մարտ ամսվա հանդիպումներում կխաղան իրենց ազգային հավաքականների կազմում

2026 թվականի մարտյան միջազգային դադարների ընթացքում Հայաստանի առաջնությունում հանդես եկող մի շարք լեգեոներներ հրավերներ են ստացել իրենց երկրների ազգային և երիտասարդական հավաքականներից։

Հատուկ ուշադրության կենտրոնում է «Նոա»-ի դարպասապահ Տիմոտի Ֆայուլուն, որը կօգնի Կոնգոյի Դեմոկրատական Հանրապետության հավաքականին պայքարել 2026 թվականի աշխարհի առաջնության ուղեգրի համար։ Աֆրիկյան թիմը դուրս է եկել միջմայրցամաքային փլեյ-օֆֆի եզրափակիչ, որտեղ կհանդիպի Նոր Կալեդոնիա — Ջամայկա զույգի հաղթողի հետ։ Հիշեցնենք, որ նախորդ փուլում ԿԴՀ-ն հաղթել էր Նիգերիային 11-մետրանոց հարվածաշարում, իսկ Ֆայուլուն դարձել էր հանդիպման հերոս՝ հետ մղելով երկու հարված։

Ֆայուլուն կարող է դառնալ Հայաստանի Պրեմիեր լիգայի առաջին գործող ֆուտբոլիստը, որը կմասնակցի աշխարհի առաջնությանը։

Նշենք նաև Հայաստանի Առաջին լիգայում հանդես եկող «Սարդարապատ» ակումբի ֆուտբոլիստի հրավերը Կոտ դ’Իվուարի մինչև 23 տարեկանների հավաքական։

Ստորև ներկայացված է հայկական առաջնության ֆուտբոլիստների մասնակցությամբ հանդիպումների ժամանակացույցը․

Գուստավո Սանգարե («Նոա») — Բուրկինա Ֆասո
Ընկերական հանդիպումներ․
Բուրկինա Ֆասո — Բենին | մարտի 26
Գվինեա-Բիսաու — Բուրկինա Ֆասո | մարտի 28
Այս հանդիպմանը կարող էր մասնակցել նաև «Արարատ-Արմենիա»-ի վինգեր Զիդան Բանջակին, սակայն այս անգամ նա չի հրավիրվել Գվինեա-Բիսաուի հավաքական։

Տիմոտի Ֆայուլու («Նոա») — ԿԴՀ
Ընկերական հանդիպում․
ԿԴՀ — Բերմուդա | մարտի 25

ԱԱ-2026 ուղեգրի փլեյ-օֆֆի եզրափակիչ․
Նոր Կալեդոնիա — Ջամայկա զույգի հաղթող | մարտի 31

Դանիլո Մալով («Գանձասար») — Ուկրաինա U19
ԵՎՐՈ U19 որակավորում․
Ուկրաինա — Հյուսիսային Իռլանդիա | մարտի 25
Ուկրաինա — Ղազախստան | մարտի 28
Ուկրաինա — Ռումինիա | մարտի 31

Բերտրան Մանի («Գանձասար») — Չադ
Աֆրիկայի ազգերի գավաթի որակավորում․
Չադ — Բուրունդի | մարտի 27
Բուրունդի — Չադ | մարտի 31

Ադել Անիզմատի-Աբուդու («Արարատ») — Կոմորյան կղզիներ
FIFA Series 2026․
Ղազախստան — Կոմորյան կղզիներ | մարտի 25
Նամիբիա — Կոմորյան կղզիներ | մարտի 28

Վայանգա Դումբիա («Սարդարապատ») — Կոտ դ’Իվուար U23
Ընկերական հանդիպումներ․
Կոտ դ’Իվուար U23 — Մարոկկո U23 | մարտի 26
Կոտ դ’Իվուար U23 — Թունիս U23 | մարտի 30