Խավի Մորենոն հեռացել է «Փյունիկից»
Ֆուտբոլ
- Հեղինակ: Vahe Hakobyan
- Sportaran
Իսպանացի հարձակվող Խավի Մորենոն հեռացել է Երևանի «Փյունիկից»։ 29-ամյա վինգերի հեռանալու մասին հայտնի դարձավ թիմի՝ նոր մրցաշրջանին պատրաստվելու ընթացքում։
Մորենոն «Փյունիկ» էր տեղափոխվել նախորդ ամռանը և արագ դարձավ թիմի հիմնական ֆուտբոլիստներից մեկը։ Ավարտված մրցաշրջանում իսպանացին անցկացրել է 33 հանդիպում, որոնցում դարձել է 6 գոլի և 2 գոլային փոխանցման հեղինակ։
Այս օրերին «Փյունիկը» ուսումնամարզական հավաք է անցկացնում Սլովենիայում, որտեղ պատրաստվում է եվրագավաթային մրցաշրջանի մեկնարկին։ Երևանի թիմը հանդես կգա Կոնֆերենցիաների լիգայի որակավորման առաջին փուլում։
Մալթական «Մարշաշլոկի» դեմ առաջին հանդիպումը կկայանա հուլիսի 9-ին։