Բռնցքամարտի Եվրոպայի առաջնություն 2026․ Հայաստանի կազմը, վիճակահանությունը և առաջին մենամարտերի ժամանակացույցը

Սեպտեմբերի 17-ին Սոֆիայում կմեկնարկի բռնցքամարտի 2026 թվականի Եվրոպայի առաջնությունը՝ European Boxing-ի հովանու ներքո։ Հայաստանի հավաքականը առաջին անգամ կմասնակցի այս կազմակերպության կողմից անցկացվող մայրցամաքային առաջնությանը։ Բուլղարիայում հանդես կգան 14 հայ բռնցքամարտիկներ՝ 10 տղամարդ և 4 կին։

Եվրոպայի առաջնության վիճակահանությունը կայացել է սեպտեմբերի 16-ին Սոֆիայում։ Դրա արդյունքում հայտնի են դարձել Հայաստանի ներկայացուցիչների առաջին մրցակիցները, իսկ մրցաշարի մեկնարկային օրը ռինգ դուրս կգան միանգամից չորս հայ բռնցքամարտիկներ։

Մրցումները Բուլղարիայի մայրաքաղաքում կանցկացվեն սեպտեմբերի 17-ից 25-ը։ Առաջնությանը հայտավորված են ավելի քան 400 մարզիկներ՝ շուրջ 40 ազգային ֆեդերացիաներից։ Մեդալներ կխաղարկվեն 20 քաշային կարգերում՝ տասը տղամարդկանց և տասը կանանց։

Մրցաշարն անցկացվում է European Boxing-ի կողմից՝ եվրոպական մայրցամաքային կոնֆեդերացիայի, որը գործում է օլիմպիական բռնցքամարտի World Boxing-ի համակարգում։ Առաջնության մասնակիցները նաև հնարավորություն կունենան վաստակելու World Boxing-ի վարկանիշային միավորներ, իսկ մրցաշարը դիտարկվում է որպես ապագա խոշորագույն մրցումների ճանապարհին կարևոր փուլերից մեկը՝ ներառյալ 2027 թվականի աշխարհի առաջնությունն ու 2028 թվականի Լոս Անջելեսի Օլիմպիական խաղերը։

Որտեղ դիտել բռնցքամարտի Եվրոպայի առաջնություն 2026-ը

Սոֆիայում կայանալիք Եվրոպայի առաջնության բոլոր մենամարտերը հասանելի կլինեն ուղիղ եթերում Eurovision Sport հարթակում։ Գրանցվելու դեպքում դիտումն անվճար է։

Մրցումների առաջին օրը նախատեսված է երկու մրցաշրջան, իսկ առաջնության մենամարտերը կշարունակվեն մինչև սեպտեմբերի 25-ը։ Հայաստանի հավաքականի համար մրցաշարը կմեկնարկի արդեն սեպտեմբերի 17-ին՝ չորս մենամարտով․ ռինգ դուրս կգան Ժիրայր Սարգսյանը, Հարություն Հակոբկոխյանը, Նարեկ Մանասյանը և Էլիդա Քոչարյանը։

Առաջին մրցաշրջանի մեկնարկը՝ տեղական ժամանակով 13:30-ին։

Հայաստանի տղամարդկանց հավաքականի կազմը

Հայաստանը ներկայացված կլինի տղամարդկանց բոլոր տասը քաշային կարգերում․

• 50 կգ — Ռուդոլֆ Գարբոյան
• 55 կգ — Ժիրայր Սարգսյան
• 60 կգ — Արթուր Բազեյան
• 65 կգ — Արթուր Սահակյան
• 70 կգ — Հարություն Հակոբկոխյան
• 75 կգ — Մարատ Միքայելյան
• 80 կգ — Արտուշ Հովհաննիսյան
• 85 կգ — Ռաֆայել Հովհաննիսյան
• 90 կգ — Նարեկ Մանասյան
• 90 կգ-ից բարձր — Դավիթ Չալոյան

Տղամարդկանց հավաքականի գլխավոր մարզիչը Ռուդիկ Մկրտչյանն է, մարզիչը՝ Ռոբերտ Պետրոսյանը։

Հայաստանի կանանց հավաքականը

Կանանց մրցաշարում Հայաստանը կներկայացնեն 4 բռնցքամարտիկներ․

• 48 կգ — Եղինե Պետրոսյան
• 54 կգ — Լյուսյա Ավետիսյան
• 65 կգ — Էլիդա Քոչարյան
• +80 կգ — Անի Մուրադյան

Կանանց հավաքականի գլխավոր մարզիչը Վազգեն Բադալյանն է։

Հայաստանի չորս ներկայացուցիչներ ռինգ դուրս կգան արդեն սեպտեմբերի 17-ին

Հայաստանի հավաքականի համար առաջնությունը կմեկնարկի միանգամից չորս մենամարտով։ Մրցումների առաջին օրը՝ սեպտեմբերի 17-ին, իրենց մեկնարկային մենամարտերը կանցկացնեն․

• Ժիրայր Սարգսյան (55 կգ) — Բելգիան ներկայացնող Նադիր Բուլաիզի դեմ,
• Հարություն Հակոբկոխյան (70 կգ) — Սլովակիան ներկայացնող Ադոլֆ Ստանեկի դեմ,
• Նարեկ Մանասյան (90 կգ) — Հունգարիան ներկայացնող Լևենտե Կիսի դեմ,
• Էլիդա Քոչարյան (65 կգ) — Իսպանիան ներկայացնող Մարիանա Սոտո Տորեսի դեմ։

Հաջորդ օրերին պայքարի մեջ աստիճանաբար կներգրավվեն Հայաստանի հավաքականի մյուս ինը ներկայացուցիչները։

Հայաստանի հավաքականի վիճակահանությունը․ բոլոր առաջին մրցակիցները

Բոլոր քաշային կարգերի ամբողջական մրցաշարային ցանցերը, ժամանակացույցն ու առաջնության արդյունքները հասանելի են մրցաշարի պաշտոնական հարթակում՝ bul.xboxing.world։

50 կգ — Ռուդոլֆ Գարբոյան

Գարբոյանն առաջին մենամարտը կանցկացնի սեպտեմբերի 20-ին։

1/8 եզրափակիչ․ Ռուդոլֆ Գարբոյան — Լեանդրո Ալմեյդա (Պորտուգալիա)։

55 կգ — Ժիրայր Սարգսյան

Սարգսյանը մրցելույթները կսկսի արդեն սեպտեմբերի 17-ին։

1/16 եզրափակիչ․ Ժիրայր Սարգսյան — Նադիր Բուլաիզ (Բելգիա)։

Այս նույն քաշային կարգում հայտավորված են նաև հայկական ծագում ունեցող ևս երկու բռնցքամարտիկներ՝ Գոռ Այվազյանը, որը ներկայացնում է Վրաստանը, և Արթուր Նաղապետյանը, որը հանդես է գալիս Սերբիայի դրոշի ներքո։

60 կգ — Արթուր Բազեյան

Բազեյանը ռինգ դուրս կգա սեպտեմբերի 18-ին։

1/16 եզրափակիչ․ Արթուր Բազեյան — Գեորգիոս Պլեաս (Հունաստան)։

Մինչև 60 կգ քաշային կարգում հանդես է գալիս նաև Լյուքսեմբուրգը ներկայացնող Բենիկ Մելքումյանը։

65 կգ — Արթուր Սահակյան

Սահակյանի առաջին մենամարտը կկայանա սեպտեմբերի 18-ին։

1/16 եզրափակիչ․ Արթուր Սահակյան — Ջակոմո Ջաննոտտի (Իտալիա)։

70 կգ — Հարություն Հակոբկոխյան

Հակոբկոխյանը Եվրոպայի առաջնությունում պայքարը կսկսի սեպտեմբերի 17-ին։

1/16 եզրափակիչ․ Հարություն Հակոբկոխյան — Ադոլֆ Ստանեկ։

Այս նույն քաշային կարգում հանդես է գալիս նաև Ավստրիան ներկայացնող Արսեն Չաբյանը։

75 կգ — Մարատ Միքայելյան

Միքայելյանը պայքարի մեջ կմտնի սեպտեմբերի 18-ին։

1/16 եզրափակիչ․ Մարատ Միքայելյան — Դիոգու Սեմեդու (Պորտուգալիա)։

80 կգ — Արտուշ Հովհաննիսյան

Հովհաննիսյանը Եվրոպայի առաջնությունում մրցելույթները կսկսի սեպտեմբերի 18-ին։

1/16 եզրափակիչ․ Արտուշ Հովհաննիսյան — Սուլթան Օսմանլի (Թուրքիա)։

85 կգ — Ռաֆայել Հովհաննիսյան

Ռաֆայել Հովհաննիսյանը մրցաշարային ցանցի շնորհիվ պայքարը կսկսի անմիջապես 1/8 եզրափակիչից։ Մենամարտը կկայանա սեպտեմբերի 18-ին։

1/8 եզրափակիչ․ Ռաֆայել Հովհաննիսյան — Վալերի Վալտեր (Գերմանիա)։

90 կգ — Նարեկ Մանասյան

Մանասյանը կլինի Հայաստանի այն չորս ներկայացուցիչներից մեկը, որոնք հանդես կգան սեպտեմբերի 17-ին։

1/16 եզրափակիչ․ Նարեկ Մանասյան — Լևենտե Կիս (Հունգարիա)։

90 կգ-ից բարձր — Դավիթ Չալոյան

Չալոյանը պայքարը կսկսի սեպտեմբերի 20-ին՝ անմիջապես 1/8 եզրափակչից։

Հայաստանի ներկայացուցչի մրցակիցը կորոշվի նախնական մենամարտում՝ Դմիտրո Լովչինսկի (Ուկրաինա) — Կիրիլ Գեորգիև (Բուլղարիա)։

Գերծանր քաշային կարգում հանդես կգա նաև Լեհաստանը ներկայացնող Օսկար Սաֆարյանը։

Կանայք․ հայ բռնցքամարտիկների առաջին մրցակիցները

48 կգ — Եղինե Պետրոսյան

Պետրոսյանն առաջին մենամարտը կանցկացնի սեպտեմբերի 19-ին։

1/8 եզրափակիչ․ Եղինե Պետրոսյան — Մարտա Լոպես դել Արբոլ (Իսպանիա)։

54 կգ — Լյուսյա Ավետիսյան

Ավետիսյանը մրցելույթները կսկսի սեպտեմբերի 20-ին։

1/8 եզրափակիչ․ Լյուսյա Ավետիսյան — Անաստասիա Կոոլ (Ռուսաստան)։

65 կգ — Էլիդա Քոչարյան

Քոչարյանը ռինգ դուրս կգա առաջնության հենց առաջին օրը՝ սեպտեմբերի 17-ին։

1/16 եզրափակիչ․ Էլիդա Քոչարյան — Մարիանա Սոտո Տորես (Իսպանիա)։

+80 կգ — Անի Մուրադյան

Մուրադյանը մեկնարկային կազմում կլինի սեպտեմբերի 20-ին կայանալիք քառորդ եզրափակչում՝ հաղթանակի շնորհիվ ապահովելով բրոնզե մեդալ։

Քառորդ եզրափակիչ. Անի Մուրադյան vs Սոֆիա Սիրա (Հունգարիա)

Կանանց 80 կգ քաշային կարգում կմրցի նաև Անաստասիա Դեմուրչյանը (Ռուսաստան)։

---

Այսպիսով, մինչև սեպտեմբերի 20-ի երեկո Հայաստանի բոլոր 14 ներկայացուցիչները պետք է արդեն ներգրավված լինեն պայքարում Եվրոպայի առաջնությունում։

European Boxing-ի առաջին Եվրոպայի առաջնությունը Հայաստանի համար

Սոֆիայի մրցաշարը հատուկ նշանակություն ունի հայկական բռնցքամարտի համար։ Սա European Boxing-ի կազմակերպած մեծահասակների առաջին Եվրոպայի առաջնությունն է, իսկ Հայաստանի հավաքականն առաջին անգամ կմասնակցի մայրցամաքային առաջնությանը նոր միջազգային կառույցի շրջանակում։

World Boxing-ը մրցումները համարում է եվրոպական օրացույցի խոշորագույն իրադարձություններից մեկը։ Բացի մեդալներից, բռնցքամարտիկները կպայքարեն նաև World Boxing-ի վարկանիշային միավորների համար։ Մրցաշարը կանցկացվի Սոֆիայի Asics Arena մարզահամալիրում։

Ընդհանուր առմամբ առաջնությունում կխաղարկվի մեդալների 20 հավաքածու։