Մակդոնալդս ոճով խաղակոշիկներ. Տիգրան Բարսեղյանը զարմացրեց սեզոնի վառ մեկնարկով
- Հեղինակ: Vahe Hakobyan
- Sportaran
Սլովակիայի առաջնության լավագույն ռմբարկու Տիգրան Բարսեղյանը նոր մրցաշրջանից առաջ արդեն հայտնվել է ուշադրության կենտրոնում՝ շնորհիվ իր նոր և յուրօրինակ խաղակոշիկների, որոնք ձևավորված են McDonald's-ի ոճով։
Խաղակոշիկները պատրաստվել են հատուկ պատվերով և զարդարված են ֆաստֆուդի սիրելի ուտեստների պատկերներով՝ բուրգերներ, նագեթսներ, կարտոֆիլ ֆրի և խնձորով կարկանդակներ։ Կրունկների վրա գրված են նրա երեխաների անունները։
Դիզայնի գաղափարը ոգեշնչված է «Սլովանի» գլխավոր մարզիչ Վլադիմիր Վայսի խոսքերով․ նա նշել էր, որ չի կարող արգելել Բարսեղյանին ֆաստֆուդ ուտել, քանի որ «միայն այդ ժամանակ նա է խաղում իր լավագույն ֆուտբոլը»։
Նշենք, որ անցած մրցաշրջանում Բարսեղյանը դարձավ Սլովակիայի առաջնության լավագույն ռմբարկուն՝ 20 գոլով, և ճանաչվեց լիգայի լավագույն խաղացողը։ Նրա թիմը՝ «Սլովանը», դարձավ չեմպիոն։
Խաղակոշիկների դիզայնը մշակել է Swithadot Studios ստուդիան և այն չի կրկնվելու։ McDonald’s-ի բոլոր ապրանքային նշանները պատկանում են McDonald’s կորպորացիային։
