Արթուր Դավթյանին չհաջողվեց պաշտպանել Եվրոպայի չեմպիոնի տիտղոսը

Հայ մարմնամարզիկ Արթուր Դավթյանը Զագրեբում անցկացվող սպորտային մարմնամարզության Եվրոպայի 2026 թվականի առաջնության հենացատկի եզրափակիչում զբաղեցրեց 8-րդ տեղը։

Եվրոպայի եռակի չեմպիոնը փայլուն կատարեց առաջին ցատկը՝ ստանալով 14,833 միավոր՝ եզրափակիչի բոլոր մասնակիցների առանձին ցատկերի մեջ ամենաբարձր գնահատականը։ Սակայն երկրորդ ցատկը Դավթյանին չհաջողվեց, ինչը զգալիորեն ազդեց վերջնական արդյունքի վրա։ Երկու ցատկերի արդյունքում Հայաստանի ներկայացուցիչը վաստակեց 13,366 միավոր և զբաղեցրեց ութերորդ տեղը։

Եվրոպայի չեմպիոն դարձավ ուկրաինացի Նազար Չեպուրնին՝ վաստակելով 14,566 միավոր։ Արծաթե մեդալը նվաճեց Ալեքսեյ Ուսաչյովը՝ 14,399 միավոր, իսկ բրոնզե մեդալակիր դարձավ բրիտանացի Սոլ Սքոթը՝ 14,199 արդյունքով։

Այսպիսով, Հայաստանի հավաքականը Զագրեբում Եվրոպայի առաջնությունն ավարտեց երեք մեդալով։ Արթուր Ավետիսյանը ոսկե մեդալ նվաճեց օղակների վարժությունում, իսկ Համլետ Մանուկյանն ու Մամիկոն Խաչատրյանը համապատասխանաբար դարձան արծաթե և բրոնզե մեդալակիրներ նժույգթափերի վարժությունում։