Հայ բռնցքամարտիկները հաղթանակներով մեկնարկեցին Բրազիլիայում անցկացվող 2026 թվականի Աշխարհի գավաթի առաջին փուլում

Ապրիլի 21-ին Բրազիլիայի Իգուասու քաղաքում մեկնարկել է 2026 թվականի բռնցքամարտի Աշխարհի գավաթի առաջին փուլը։ Մրցումային առաջին օրը ռինգ են դուրս եկել Հայաստանի երեք ներկայացուցիչներ, և բոլորը հաղթանակ են տարել։

Չնայած մրցաշարից առաջ առաջացած բարդ լոգիստիկ դժվարություններին, Հայաստանի հավաքականը հաջողությամբ մեկնարկեց իր ելույթը World Boxing-ի հովանու ներքո անցկացվող իր առաջին Աշխարհի գավաթում։

Հայ բռնցքամարտիկների առաջին արդյունքները․

1/16 եզրափակիչ, 60 կգ — Արթուր Բազեյանը վստահ հաղթեց Արգենտինան ներկայացնող Սանտյագո Սելեսին՝ 5։0 հաշվով։

1/16 եզրափակիչ, 70 կգ — Արարատ Հարությունյանը առավելության հասավ Թունիսը ներկայացնող Զաքարիա Ռոմդանիի նկատմամբ՝ 3։2 հաշվով։

1/8 եզրափակիչ, 90 կգ — Նարեկ Մանասյանը հաղթեց Վենեսուելան ներկայացնող Վիլմար Ռոխասին՝ 4։1 հաշվով։

Այսպիսով, հայ բռնցքամարտիկները հաջողությամբ մեկնարկեցին մրցաշարը՝ մրցումների առաջին օրը գրանցելով հարյուր տոկոսանոց արդյունք։

Բրազիլիայում անցկացվող 2026 թվականի բռնցքամարտի Աշխարհի գավաթի առաջին փուլը կտևի մինչև ապրիլի 27-ը։

Ուղիղ հեռարձակումը հասանելի է Confederação Brasileira de Boxe-ի YouTube-յան ալիքում։