Հայաստան U17-ը պարտվեց Հունգարիային ԵՎՐՈ-2027 ընտրական փուլի երկրորդ տուրում
- Հեղինակ: Vahe Hakobyan
- Sportaran
Հայաստանի մինչև 17 տարեկանների հավաքականը պարտություն կրեց Եվրոպայի մինչև 17 տարեկանների առաջնության երկրորդ փուլում՝ ընտրական մրցաշարի երկրորդ տուրում։ Ալեքսանդր Պետրոսյանի սաները 1:3 հաշվով զիջեցին Հունգարիայի հավաքականին։
Հունգարիայի թիմը վստահ սկսեց հանդիպումը և արդեն 50-րդ րոպեին ապահովեց հարմարավետ առավելություն՝ 3:0։ Հայաստանի հավաքականին հաջողվեց պատասխանել միայն մեկ անգամ․ «Ուրարտուի» հարձակվող Արսեն Առաքելյանը կրճատեց հաշվի տարբերությունը՝ աչքի ընկնելով անկյունայինի խաղարկումից հետո։
Առաքելյանի համար այս գոլը դարձավ արդեն երկրորդը մրցաշարում։
Խմբային փուլի վերջին տուրում Հայաստանը կհանդիպի Լիխտենշտեյնի հետ, որը զուգահեռ խաղում խոշոր հաշվով պարտվեց Լյուքսեմբուրգին՝ 0:5։ Հանդիպումը կկայանա ապրիլի 28-ին։
Նշենք, որ խմբի 5-ի բոլոր հանդիպումները անցկացվում են Երևանում։ Առաջին տուրում Հայաստանի հավաքականը ոչ-ոքի էր խաղացել Լյուքսեմբուրգի հետ՝ 2:2։
Քննարկեք նորությունները!
Անցնել մեկնաբանություններին ↓
Comments
0