Արման Ծառուկյանը խեղդող հնարքով հաղթեց Մեհդի Բայդուլաևին ACBJJ 20 մրցաշարում Մոսկվայում (ՏԵՍԱՆՅՈՒԹ)
- Հեղինակ: Vahe Hakobyan
- Sportaran
Արման Ծառուկյանը տպավորիչ հաղթանակ տարավ Մոսկվայում անցկացված ACBJJ 20 մրցաշարում՝ նվաճելով «Աստղերի գոտի» չեմպիոնական տիտղոսը։
Մեհդի Բայդուլաևի դեմ մենամարտը անցկացվեց No-GI ջիու-ջիցուի կանոններով և առաջին վայրկյաններից ստացավ բարձր տեմպ ու դիտարժան ընթացք։ UFC-ի թեթև քաշային կարգի վարկանիշային առաջին համարը ակտիվորեն թելադրում էր մենամարտի ընթացքը՝ ցուցադրելով գերազանցություն ըմբշամարտում և վերահսկողության մեջ։
Լուծումը եկավ մենամարտի ավարտից 30 վայրկյան առաջ, երբ Ծառուկյանը իրականացրեց խեղդող հնարք՝ ստիպելով մրցակցին հանձնվել։ Նշենք, որ Բայդուլաևը ընդունել էր մենամարտը կարճ ծանուցմամբ՝ փոխարինելով Աբդուլ-Ազիզ Աբդուլվահաբովին։
Այս հաղթանակը Արման Ծառուկյանին բերեց ACBJJ-ի «Աստղերի գոտի» չեմպիոնական տիտղոսը և ևս մեկ անգամ հաստատեց նրա բարձր մակարդակը ըմբշամարտային դիսցիպլիններում։
ACBJJ 20 մրցաշարում ելույթից հետո Ծառուկյանը կմեկնի Երևան, որտեղ դեկտեմբերի 30-ին Hype Fighting մրցաշարի շրջանակում գրեփլինգի մենամարտ կանցկացնի Շարա Բուլլետի դեմ։