Արգենտինան անհավանական քամբեք արեց և դուրս եկավ ԱԱ-2026-ի 1/4 եզրափակիչ
- Հեղինակ: Vahe Hakobyan
- Sportaran
Արգենտինայի հավաքականը դուրս եկավ 2026 թվականի աշխարհի առաջնության քառորդ եզրափակիչ՝ դրամատիկ խաղում 3:2 հաշվով հաղթելով Եգիպտոսին։
Խաղը շատ ծանր էր դասավորվում արգենտինացիների համար։ Արդեն 15-րդ րոպեին Եգիպտոսը առաջ անցավ Իբրահիմի գոլից հետո, իսկ երկրորդ խաղակեսում Զիկոն կրկնապատկեց աֆրիկյան թիմի առավելությունը։ 67-րդ րոպեին Արգենտինան պարտվում էր 0:2 հաշվով և հայտնվել էր դուրս մնալու եզրին։
Իրավիճակը բարդացրեց նաև այն, որ Լիոնել Մեսսին առաջին խաղակեսում չիրացրեց 11-մետրանոցը։ Սակայն հանդիպման վերջնամասում Արգենտինայի հավաքականը կարողացավ անհավանական վերադարձ կատարել։
79-րդ րոպեին Քրիստիան Ռոմերոն կրճատեց հաշվի տարբերությունը, իսկ մի քանի րոպե անց Մեսսին շտկեց իր վրիպումը և հավասարեցրեց հաշիվը՝ 2:2։ Արգենտինայի ավագի համար սա դարձավ 8-րդ գոլը ընթացիկ մրցաշարում և 21-րդը աշխարհի առաջնությունների պատմության մեջ։
Վճռորոշ դարձավ Էնցո Ֆերնանդեսի գոլը ավելացված ժամանակում։ Կիսապաշտպանը աչքի ընկավ 90+2-րդ րոպեին և Արգենտինային հաղթանակ պարգևեց 3:2 հաշվով։
Եգիպտոսը լքում է մրցաշարը իր պատմության լավագույն ելույթներից մեկից հետո։ Թիմը վառ հանդիպում անցկացրեց և շատ մոտ էր սենսացիային, սակայն չկարողացավ պահել առավելությունը խաղի վերջնամասում։
ԱԱ-2026-ի քառորդ եզրափակիչում Արգենտինայի հավաքականը կմրցի Կոլումբիա — Շվեյցարիա զույգի հաղթողի հետ։