Եղիշե Մելիքյանի օգնականները Հայաստանի ազգային հավաքականում արդեն հայտնի են
Ֆուտբոլ
- Հեղինակ: Vahe Hakobyan
- Sportaran
Եղիշե Մելիքյանի գլխավորությամբ Հայաստանի ազգային հավաքականի մարզչական շտաբում կընդգրկվեն Ռոման Մոնարյովը, Աղվան Այվազյանը և Ստեփան Դեմիրճյանը։ Այս մասին տեղեկացրել է «Fast Sport»–ի մեկնաբան և ֆուտբոլային ինսայդեր Սուրեն Մելիքսեթյանը։
Նախորդ շտաբից իր պաշտոնը կպահպանի միայն ֆիզպատրաստության մարզիչ Խավիեր Մինյանոն։ Դարպասապահների մարզիչ Ռոման Բերեզովսկին լքելու է ազգային թիմը։
Նշենք, որ այս մարզչական կազմը նախկինում արդեն աշխատել է Եղիշե Մելիքյանի հետ «Փյունիկում»։ Երևանի ակումբում արդեն փոփոխություններ են եղել․ թիմը գլխավորել է նոր, ավելի երիտասարդ մարզչական շտաբ։
Եղիշե Մելիքյանն ու նրա օգնականները հավաքականում փոխարինեցին հոլանդական դույետին՝ Ջոն վան’տ Շիպին և Աարոն Վինտերին։