Հայաստանի Մ16 բասկետբոլի հավաքականի կազմը՝ տնային Եվրոպայի առաջնության համար
- Հեղինակ: Vahe Hakobyan
- Sportaran
Հայաստանի մինչև 16 տարեկանների բասկետբոլի հավաքականի գլխավոր մարզիչ Նարեկ Կապուշյանը հրապարակել է թիմի կազմը Եվրոպայի Մ16 առաջնության C դիվիզիոնի համար, որը կանցկացվի Երևանում հուլիսի 4-ից 12-ը։
Հայաստանի հավաքականն այս օրերին ուսումնամարզական հավաք է անցկացնում Օլիմպավանում։ Թիմը շարունակում է նախապատրաստվել տնային մրցաշարին և առաջիկա օրերին կանցկացնի ինտենսիվ մարզումներ՝ առաջնությանը օպտիմալ մարզավիճակով մոտենալու համար։
Խմբային փուլում Հայաստանի Մ16 հավաքականը հանդես կգա B խմբում։ Հայաստանի թիմի մրցակիցները կլինեն Ջիբրալթարի, Մալթայի, Անդորրայի և Մոնակոյի հավաքականները։
Եվրոպայի Մ16 առաջնության C դիվիզիոնի հանդիպումները կանցկացվեն Սպորտի կառավարման կենտրոնի կառուցվածքում գործող մարզահամալիրում՝ Երևան, Մանանդյան փողոց, 41 հասցեում։
Հայաստանի Մ16 հավաքականի կազմը
Հայաստանի հավաքականի հայտացուցակում ընդգրկվել են՝
Դավիթ Զոհրաբյան — «Կիլիկիա»
Գագիկ Ծառուկյան — «Շենգավիթ»
Արթուր Ասլիբեկյան — ԲԿՄԱ, Ռուսաստան
Դմիտրի Խաջյան — «Պավլովսկի Պոսադ», Ռուսաստան
Իթան Կազանչյան — AGBU, ԱՄՆ
Ջիվան Դորյան — AGBU, ԱՄՆ
Հովհաննես Կոստիկյան — ԽՄՕՄՄ
Գևորգ Հայրապետյան — «Շենգավիթ»
Միխայիլ Պետրով — «Կրասնոյարսկի մարզադպրոց», Ռուսաստան
Էնթոնի Սարգսյան — «Փոլ Ջորջ Էլիտ», ԱՄՆ
Ալեքսանդր Աբրահամյան — «Միրակ»
Հովհաննես Օրդանյան — «Պատրիոտ»
Արամ Գևորգյան — ԽՄՕՄՄ
Ռաֆայել Գրիգորյան — «Միրակ»
Գլխավոր մարզիչ Նարեկ Կապուշյանին հավաքականում կօգնեն Քրիս Չամկրտյանը, Լևոն Սարմազյանը և Մխիթար Վարդանյանը։
Նշենք, որ ավելի վաղ Նարեկ Կապուշյանն աշխատել է Կալիֆորնիայում գործող հայկական AGBU դպրոցի թիմի հետ և զգալի հաջողությունների է հասել։ Այժմ այդ համակարգի երկու խաղացողներ՝ Իթան Կազանչյանը և Ջիվան Դորյանը, ընդգրկվել են Հայաստանի Մ16 հավաքականի կազմում տնային Եվրոպայի առաջնության համար։