Հայաստանի ծանրամարտի հավաքականը ներկայացրել է Melante-ի նոր մարզահագուստը
- Հեղինակ: Vahe Hakobyan
- Sportaran
Հայաստանի ծանրամարտի ազգային հավաքականը ներկայացրել է իր նոր մրցումային մարզահագուստը։ Այս մասին հայտնել է Հայաստանի ծանրամարտի ֆեդերացիայի մամուլի ծառայությունը։
Նոր հանդերձանքը պատրաստված է թարմ դիզայնով՝ կապույտ գույնի գերակշռությամբ։ Մարզահագուստի վրա տեղ են գտել Armenia գրառումն ու Հայաստանի Հանրապետության զինանշանը։ Մեջքի հատվածում պատկերված կլինի Հայաստանի ծանրամարտի ֆեդերացիայի տարբերանշանը։
Մարզահագուստը պատրաստել է հայկական Melante ընկերությունը։ Հայաստանի ծանրամարտի ֆեդերացիան շարունակում է համագործակցությունը հայրենական արտադրողի հետ․ ինչպես նախկինում, այնպես էլ այս անգամ հայ ծանրորդների մրցումային հանդերձանքը կլինի ամբողջությամբ հայկական արտադրության։
Առաջին մրցաշարը, որտեղ Հայաստանի հավաքականը հանդես կգա նոր մարզահագուստով, կլինի 2026 թվականի երիտասարդների աշխարհի առաջնությունը։ Մրցումները կմեկնարկեն հուլիսի 5-ին Կոլումբիայում։
