Սանոսյանը բաց կթողնի «Նորիլսկի» մրցաշրջանի մեկնարկը և, հավանաբար, Հայաստանի հավաքականի հանդիպումները
- Հեղինակ: Vahe Hakobyan
- Sportaran
Ֆուտզալի Հայաստանի ազգային հավաքականի ավագ Վլադիմիր Սանոսյանը առողջական խնդիրների պատճառով բաց կթողնի «Նորիլսկի» կազմում մրցաշրջանի մեկնարկը։
33-ամյա ֆուտզալիստը երիկամի խնդիր ունի և առաջիկայում վիրահատության կենթարկվի։ Ֆուտբոլիստի վերականգնման հստակ ժամկետները դեռ հայտնի չեն։
Այդ պատճառով Սանոսյանը, ամենայն հավանականությամբ, չի հասցնի վերականգնվել 2028 թվականի աշխարհի առաջնության եվրոպական որակավորման հիմնական փուլի՝ Հայաստանի հավաքականի առաջին հանդիպումներին։
Հայաստանի հավաքականը որակավորման փուլը կմեկնարկի 2026 թվականի հոկտեմբերի 20-ին՝ սեփական հարկի տակ ընդունելով Հունգարիային։ Հաջորդ հանդիպումը Հայաստանի ընտրանին կանցկացնի նոյեմբերի 7-ին՝ հյուրընկալվելով Շվեդիային։
1-ին խմբում Հայաստանի հավաքականը նաև դեկտեմբերի 9-ին կընդունի Շվեդիային, իսկ 2027 թվականի մարտի 3-ին արտագնա խաղում կմրցի Հունգարիայի հետ։