Սամվել Գասոյանը տարավ իններորդ վաղաժամ հաղթանակը պրոֆեսիոնալ կարիերայում
- Հեղինակ: Vahe Hakobyan
- Sportaran
Անպարտելի հայ ծանրքաշային բռնցքամարտիկ Սամվել Գասոյանը շարունակեց հաղթական շարքը պրոֆեսիոնալ ռինգում։
27-ամյա Գասոյանը հանդես է եկել Գերմանիայի Բոխում քաղաքում կայացած բռնցքամարտի երեկոյի ընթացքում, որտեղ վաղաժամ հաղթանակ է տարել գերմանացի Թորստեն Ֆուքսի նկատմամբ։ Մենամարտը կայացել է հունիսի 28-ին։
Հայ ծանրքաշայինի համար այս հաղթանակը դարձավ արդեն իններորդը պրոֆեսիոնալ կարիերայում։ Հատկանշական է, որ Գասոյանն իր բոլոր ինը մենամարտերն էլ ավարտել է վաղաժամ հաղթանակով։
Գերմանիայում տարած հաղթանակից հետո Սամվել Գասոյանի ռեկորդը դարձավ 9 հաղթանակ և 0 պարտություն։ Նրա մրցակից Թորստեն Ֆուքսը կրեց հինգերորդ պարտությունը՝ ունենալով 15 հաղթանակ։
Այսպիսով, Գասոյանը շարունակում է մնալ անպարտելի և ամրապնդում է իր դիրքերը հայ ծանրքաշային հեռանկարային բռնցքամարտիկների շարքում։