Մարատ Գրիգորյանը Տոկիոյում կայացած ONE FC մրցաշարում առաջին ռաունդում նոկաուտի ենթարկեց Կաիտո Օնոյին (ՏԵՍԱՆՅՈՒԹ)
- Հեղինակ: Vahe Hakobyan
- Sportaran
Հայ կիկբռնցքամարտիկ Մարատ Գրիգորյանը տպավորիչ հաղթանակ տարավ Տոկիոյում կայացած ONE FC մրցաշարում՝ արդեն առաջին ռաունդում նոկաուտի ենթարկելով ճապոնացի Կաիտո Օնոյին։
Գրիգորյանը, որի պրոֆեսիոնալ ռեկորդն այժմ կազմում է 70 հաղթանակ և 14 պարտություն, առաջին րոպեներից վերցրեց նախաձեռնությունը և սկսեց կոշտ ճնշում գործադրել մրցակցի վրա։ Հզոր ու դիպուկ հարվածների շարքից հետո Օնոն հայտնվեց ռինգի հատակին և չկարողացավ շարունակել մենամարտը։
Ճապոնացի մարտիկը, որի ռեկորդը 61-11 է, մեծ դժվարությամբ էր փորձում ոտքի կանգնել, սակայն ակնհայտորեն ցնցված էր Գրիգորյանի գրոհներից։ Մրցավարը դադարեցրեց մենամարտը՝ արձանագրելով հայ մարզիկի վստահ վաղաժամ հաղթանակը։
ՏԵՍԱՆՅՈՒԹ․
Մարատ Գրիգորյանի համար այս հաղթանակը երրորդ անընդմեջն էր, ինչը կրկին ամրապնդեց նրա դիրքերը դիվիզիոնում։ Տոկիոյում ունեցած տպավորիչ ելույթից հետո Գրիգորյանը մտադիր է կրկին պայքարել փետուր քաշային կարգի չեմպիոնական տիտղոսի համար և ռևանշ անցկացնել գործող չեմպիոն Սուպերբոն Բանչամեկի դեմ։
Կաիտո Օնոյի նկատմամբ տարած հաղթանակը կարևոր քայլ դարձավ Գրիգորյանի համար ONE FC-ի չեմպիոնական մրցավազք վերադառնալու ճանապարհին։
ONE Samurai 1: Rodtang vs. Takeru 2 մրցաշարը տեղի է ունեցել ապրիլի 29-ին Տոկիոյում։
Քննարկեք նորությունները!
Անցնել մեկնաբանություններին ↓
Comments
2