Բիչաչյանը խփեց մրցաշրջանի իր առաջին գոլը, սակայն «Լեգիան» պարտվեց «Ռակուվին»

«Լեգիայի» հայ կիսապաշտպան Վահան Բիչախչյանը գոլի հեղինակ դարձավ «Ռակուվի» դեմ խաղում։ Սակայն նրա արդյունավետ գործողությունը չօգնեց վարշավյան թիմին խուսափել պարտությունից՝ 2:4։

Բիչախչյանը փոխարինման մտավ 45-րդ րոպեին, իսկ 63-րդ րոպեին գրավեց մրցակցի դարպասը։ Սա նրա առաջին գոլն էր ընթացիկ մրցաշրջանում։

Խաղադաշտում անցկացրած ժամանակահատվածում Վահանը կատարեց երկու հարված՝ ակնկալվող գոլերի 0,14 xG ընդհանուր ցուցանիշով, կատարեց երկու առանցքային փոխանցում և հաղթեց բոլոր չորս մենապայքարներում։ Բացի այդ, կիսապաշտպանի նկատմամբ երեք անգամ խախտեցին կանոնները, իսկ դրիբլինգի նրա միակ փորձը հաջող էր։

Բիչախչյանի վիճակագրությունը խաղում.

• Հարվածներ՝ 2։

• Ակնկալվող գոլեր (xG)՝ 0,14։

• Առանցքային փոխանցումներ՝ 2։

• Ճշգրիտ փոխանցումներ՝ 7 (78%)։

• Հաջող դրիբլինգներ՝ 1՝ 1 փորձից։

• Իր նկատմամբ կատարված խախտումներ՝ 3։

• Հաղթած մենապայքարներ՝ 4՝ 4-ից։

Հիշեցնենք, որ Բիչախչյանը չի ընդգրկվել Հայաստանի հավաքականի կազմում՝ Ազգերի լիգայի նոյեմբերյան՝ Կիպրոսի և Լատվիայի դեմ հանդիպումների համար։

ԳՈԼԻ ՏԵՍԱՆՅՈՒԹԸ