Տիկնիզյանը լիարժեք հանդիպում անցկացրեց ՊԱՕԿ-ի դեմ դերբիում և կմեկնի Հայաստանի հավաքական

Հայաստանի հավաքականի պաշտպան Նաիր Տիկնիզյանը «Օլիմպիակոսի» կազմում ամբողջությամբ մասնակցեց ՊԱՕԿ-ի դեմ դերբիին։ Հանդիպումն ավարտվեց ոչ-ոքի՝ 1:1 հաշվով։

58-րդ րոպեին Արմանդո Գոնսալեսն առաջ մղեց «Օլիմպիակոսին», սակայն 71-րդ րոպեին Ժիվկովիչը վերականգնեց հավասարությունը։ Մինչև եզրափակիչ սուլիչը հաշիվն այլևս չփոխվեց։

Տիկնիզյանը խաղադաշտ դուրս եկավ մեկնարկային կազմում և անցկացրեց բոլոր 90 րոպեները։ Հայ պաշտպանը SofaScore-ից ստացավ 6,3 գնահատական։

Տիկնիզյանի վիճակագրությունը․

• Ճշգրիտ փոխանցումներ՝ 36 (82%)։

• Խափանված փոխանցումներ՝ 2։

• Գնդակի հեռացումներ՝ 3։

• Գնդակի վերադարձներ՝ 4։

• Հաղթած գետնային մենապայքարներ՝ 1՝ 4-ից։

• Հաղթած օդային մենապայքարներ՝ 2՝ 3-ից։

Դերբիից հետո Տիկնիզյանը կմեկնի Հայաստանի հավաքականի ճամբար՝ նախապատրաստվելու ազգային թիմի առաջիկա հանդիպումներին։