Իսպանիան հաղթեց Պորտուգալիային և դուրս եկավ ԱԱ-2026-ի քառորդ եզրափակիչ
- Հեղինակ: Vahe Hakobyan
- Sportaran
Իսպանիայի հավաքականը դուրս եկավ 2026 թվականի աշխարհի առաջնության քառորդ եզրափակիչ՝ փլեյ-օֆֆի խաղում 1:0 հաշվով հաղթելով Պորտուգալիային։
Հանդիպման վճռորոշ պահը եղավ երկրորդ խաղակեսի վերջնամասում։ Հաղթական գոլը խփեց Միկել Մերինոն՝ Իսպանիային պարգևելով կարևորագույն հաղթանակ հարևանների սկզբունքային դիմակայությունում։
Պորտուգալիան մինչև եզրափակիչ սուլիչը փորձում էր փրկել հանդիպումը, սակայն Ռոբերտո Մարտինեսի թիմն այդպես էլ չկարողացավ գտնել Ունայ Սիմոնի դարպասի ճանապարհը։ Իսպանիայի պաշտպանությունը մրցաշարում անցկացրեց իր լավագույն հանդիպումներից մեկը և անառիկ պահեց դարպասը։
Հատուկ ուշադրություն էր դարձվում Կրիշտիանու Ռոնալդուին։ Չի բացառվում, որ այս հանդիպումը լեգենդար հարձակվողի համար վերջինն էր Պորտուգալիայի հավաքականի կազմում։ Ռոնալդուն և նրա թիմակիցները լքում են աշխարհի առաջնությունը փլեյ-օֆֆի փուլում։
Աշխարհի առաջնության քառորդ եզրափակիչում Իսպանիան կմրցի ԱՄՆ — Բելգիա զույգի հաղթողի հետ։