Գրենիկ Պետրոսյանը երրորդ անգամ դարձավ ԲԿՄԱ-ի ֆուտբոլիստ
- Հեղինակ: Vahe Hakobyan
- Sportaran
23-ամյա հարձակվող Գրենիկ Պետրոսյանը կրկին միացավ ԲԿՄԱ-ին։ Բանակային ակումբը պաշտոնապես հայտարարեց «Փյունիկի» սան վերադարձի մասին․ սա Պետրոսյանի արդեն երրորդ վերադարձն է թիմ։
Վերջին մրցաշրջանը Պետրոսյանը անցկացրեց «Նոայում»՝ մասնակցելով 20 խաղի, խփելով 2 գոլ և դառնալով Հայաստանի չեմպիոն ու գավաթակիր։ Մրցաշրջանից հետո նրա պայմանագիրը չի երկարաձգվել, և հարձակվողը վերադարձել է ԲԿՄԱ՝ հենց այնտեղից էր մեկ տարի առաջ անցել «Նոա»։
2020-ից 2022 թվականներին Պետրոսյանը հանդես էր գալիս ԲԿՄԱ-ում՝ պարտադիր զինվորական ծառայության ընթացքում։ Այնուհետև վերադարձավ «Փյունիկ», սակայն հիմնական կազմում տեղ չգտավ և կրկին վերադարձավ ԲԿՄԱ՝ այս անգամ որպես լիարժեք ֆուտբոլիստ, այլ ոչ զինծառայող։
Հիմա, «Նոայում» անցած բարդ շրջանից հետո, Գրենիկ Պետրոսյանը նորից կպաշտպանի բանակայինների գույները։