Գոնսալու Գրեգորիուն հեռացավ «Նոայից»
- Հեղինակ: Vahe Hakobyan
- Sportaran
Պորտուգալացի հարձակվող Գոնսալու Գրեգորիուն հայտարարել է «Նոայից» հեռանալու մասին։ Ֆուտբոլիստն իր որոշման մասին հայտնել է սոցիալական ցանցերում։
Գրեգորիուն նախորդ մրցաշրջանը բաց թողեց ծանր վնասվածքի պատճառով, սակայն շարունակում էր մնալ թիմի մաս։ Չնայած բարդ ժամանակահատվածին՝ պորտուգալացին ավարտում է իր փուլը «Նոայում»՝ որպես ֆուտբոլիստ, որը ներդրում է ունեցել ակումբի պատմության ամենահաջող ժամանակահատվածներից մեկում։
«Նոայում» հանդես գալու ընթացքում Գրեգորիուն դարձել է Հայաստանի չեմպիոն, նվաճել է երկրի Գավաթը, ինչպես նաև եղել է թիմի կազմում նրա պատմական հաջողությունների ժամանակ։ Նրա ճանապարհն ակումբում հեշտ չէր, բայց նա կմնա «Նոայի» պատմության մի մասը։
Գրեգորիուի հեռանալուց հետո «Նոայի» կազմում այս պահին անվանական կենտրոնական հարձակվողներ չեն մնացել։ Ավելի վաղ թիմը լքել էին Նարդին Մուլահուսեյնովիչը և Մատեուս Այասը։ Ամենայն հավանականությամբ, ակումբը ակտիվ կաշխատի տրանսֆերային շուկայում՝ նոր մրցաշրջանից և եվրագավաթային ելույթներից առաջ հարձակման գիծն ուժեղացնելու համար։