U16 Եվրոբասկետը Երևանում. Հայաստանը մեկնարկում է Անդորրայի դեմ խաղով
- Հեղինակ: Vahe Hakobyan
- Sportaran
Այսօր՝ հուլիսի 4-ին, Երևանում մեկնարկում է բասկետբոլի Եվրոպայի U16 առաջնությունը C դիվիզիոնում։ Մրցաշարը կանցկացվի 9 հավաքականների մասնակցությամբ, իսկ առաջնության տանտերը Հայաստանն է։
Հայաստանի U16 հավաքականը հանդես կգա B խմբում։ Հայկական թիմի մրցակիցները կլինեն Անդորրան, Մալթան, Ջիբրալթարը և Մոնակոն։ A խմբում հանդես կգան Կոսովոն, Ալբանիան, Սան Մարինոն և Մոլդովան։
Տնային մրցաշարում Հայաստանի հավաքականն առաջին հանդիպումը կանցկացնի արդեն այսօր։ Թիմը կմրցի Անդորրայի հետ, խաղը կմեկնարկի Երևանի ժամանակով 19:00-ին։
Որտեղ դիտել U16 Եվրոբասկետը C դիվիզիոնում
Եվրոպայի U16 առաջնության C դիվիզիոնի բոլոր հանդիպումները հնարավոր կլինի անվճար դիտել ուղիղ եթերում՝ FIBA-ի պաշտոնական YouTube ալիքով։
Հայաստանի հավաքականի համար այս մրցաշարը առանձնահատուկ նշանակություն ունի։ Հայաստանի բասկետբոլի ֆեդերացիայում չեն թաքցնում, որ տնային առաջնությունում թիմի գլխավոր նպատակը հաղթանակն է։ Անցած տարի Հայաստանի U16 հավաքականը C դիվիզիոնում զբաղեցրեց երրորդ տեղը և մոտ էր եզրափակիչ դուրս գալուն։
Այժմ թիմը հնարավորություն ունի հաջորդ քայլն անել արդեն սեփական հարկի տակ՝ Երևանի երկրպագուների աջակցությամբ։