«Արաթար-Արմենիան» առաջին խաղակեսում երեք գոլ խփեց «Շիրակի» դեմ և հաղթանակ տարավ Շիրակում
- Հեղինակ: Vahe Hakobyan
- Sportaran
«Արարատ-Արմենիան» Հայաստանի առաջնության 8-րդ տուրի արտագնա խաղում հաղթանակ տարավ «Շիրակի» նկատմամբ։
Հանդիպումն ավարտվեց երկրի գործող չեմպիոնի՝ 3:1 հաշվով հաղթանակով։
Թիմը խաղի ելքը վճռեց դեռ առաջին խաղակեսում՝ երեք անգամ գրավելով տանտերերի դարպասը։ «Արարատ-Արմենիայի» կազմում գոլի հեղինակ դարձան Խուլիո Բուենոն և Կառլոս Ֆրանսան, իսկ ևս մեկ գնդակ «Շիրակի» պաշտպան Սուրեն Ծառուկյանն ուղարկեց սեփական դարպասը։
Հյուրերի կազմում գոլային փոխանցումներ կատարեցին Արթուր Սերոբյանը և Խուան Բալանտան։
Երկրորդ խաղակեսում «Շիրակին» հաջողվեց մեկ գնդակ հետ բերել․ գյումրեցիների միակ գոլը խփեց Ռուդիկ Մկրտչյանը, սակայն փոխել հանդիպման ընթացքը տանտերերին չհաջողվեց։
Այս հանդիպումից հետո «Արարատ-Արմենիայի» միանգամից հինգ ֆուտբոլիստներ կմիանան Հայաստանի ազգային հավաքականին՝ Խուլիո Բուենոն, Կարեն Մուրադյանը, Արթուր Սերոբյանը, Ժիրայր Շաղոյանը և Արայիկ Էլոյանը։
Խաղային օրվա մեկ այլ հանդիպումում Երևանի «Արարատը» նվազագույն՝ 1:0 հաշվով հաղթեց «Սյունիքին»։ Հանդիպման միակ գոլի հեղինակ դարձավ Սինդու Բակայոկոն։