Սպերցյանի գոլային փոխանցումն օգնեց ջախջախել «Աբհային» (ՏԵՍԱՆՅՈՒԹ)

«Ալ-Ահլին» Սաուդյան Արաբիայի Պրո լիգայի երկրորդ տուրում խոշոր հաշվով հաղթեց «Աբհային»՝ 4:0։

Հանդիպման գլխավոր հերոսը դարձավ Այվան Թոունին, որը հեթ-տրիկի հեղինակ դարձավ։ Եվս մեկ գոլ իր հաշվին գրանցեց Ֆրանսիշկու Տրինկաուն։

Հայաստանի հավաքականի կիսապաշտպան Էդուարդ Սպերցյանը «Ալ-Ահլիի» մեկնարկային կազմում էր, խաղադաշտում անցկացրեց 66 րոպե և դարձավ գոլային փոխանցման հեղինակ։

Այսպիսով, Սպերցյանը շարունակում է արդյունավետ ելույթները նոր թիմի կազմում։ Երեք խաղում նրա հաշվին արդեն 2 գոլ և 2 գոլային փոխանցում է։

Էդուարդ Սպերցյանի վիճակագրությունը խաղում.

• Խաղացած րոպեներ՝ 66
• Գոլային փոխանցումներ՝ 1
• Ստեղծած գոլային պահեր՝ 2
• Սուր փոխանցումներ՝ 3
• Ճշգրիտ փոխանցումներ՝ 25 (83%)
• Հարվածներ՝ 2
• Հաջող դրիբլինգ՝ 2-ը 3-ից
• Գնդակի կորուստներ՝ 7
• Գնդակի խլումներ՝ 1
• Գնդակի հեռացումներ՝ 1
• Արգելափակած հարվածներ՝ 1
• Մենապայքարներ՝ 2-ը 6-ից
• Խախտումներ՝ 1
• Դեղին քարտեր՝ 1
• SofaScore-ի գնահատականը՝ 7,4

Երկու տուրից հետո «Ալ-Ահլին» ունի առավելագույն՝ 6 միավոր։