Արթուր Ասոյանը 14 վայրկյանում դուրս եկավ IMMAF 2026 Եվրոպայի առաջնության եզրափակիչ
- Հեղինակ: Vahe Hakobyan
- Sportaran
Հայաստանի ՄՄԱ մարտիկ Արթուր Ասոյանը (56,7 կգ) կայծակնային հաղթանակ տարավ և դուրս եկավ 2026 թվականի Mixed Martial Arts-ի Եվրոպայի առաջնության եզրափակիչ, որը անցկացվում է International Mixed Martial Arts Federation (IMMAF)-ի հովանու ներքո։
Կիսաեզրափակիչում 21-ամյա հայ մարզիկը ընդամենը 14 վայրկյանում նոկաուտի ենթարկեց ուկրաինացի Նազար Տարասևիչին՝ հաղթելով տեխնիկական նոկաուտով։ Ասոյանը մենամարտի առաջին իսկ պահերից նախաձեռնությունը վերցրեց իր ձեռքը և մրցակցին ոչ մի հնարավորություն չթողեց՝ ցուցադրելով բարձր տեմպ և հարվածների ճշգրտություն։
Ավելի վաղ, մրցաշարի քառորդ եզրափակիչում, Ասոյանը նույնպես հաղթել էր Ուկրաինայի ներկայացուցիչին՝ վստահորեն անցնելով հաջորդ փուլ։
Եզրափակիչում Արթուր Ասոյանը կմրցի ֆրանսիացի Թիբո Դե Մարինիսի հետ, ով իր կիսաեզրափակիչում հաղթել է դատավորների որոշմամբ։
Եզրափակիչ մենամարտը կկայանա փետրվարի 15-ին։