Արտյոմ Գյուրջանը խփեց իր կարիերայի առաջին գոլը (ՎԻԴԵՈ)

Հայաստանի երիտասարդական հավաքականի նախկին ֆուտբոլիստ Արտյոմ Գյուրջանն իր պրոֆեսիոնալ կարիերայում առաջին անգամ գոլի հեղինակ դարձավ։ 24-ամյա կենտրոնական պաշտպանն աչքի ընկավ ՖՆԼ-ի «Տյումենի» դեմ խաղում, սակայն նրա «ԿամԱԶ»-ը 2:3 հաշվով պարտվեց։

Արտյոմ Գյուրջանը հաջող խաղաց երկրորդ հարկում՝ անկյունայինի խաղարկման ժամանակ, և 53-րդ րոպեին կրճատեց հաշվի տարբերությունը՝ 1:2։ Ավելի ուշ «ԿամԱԶ»-ին հաջողվեց հավասարեցնել հաշիվը, բայց «Տյումենի» ֆուտբոլիստ Նիկիտա Պեչենկինը 85-րդ րոպեին խփեց հաղթական գոլը։

Ընթացիկ մրցաշրջանում հայ ֆուտբոլիստը մասնակցել է 19 հանդիպման, իսկ նրա թիմը զբաղեցնում է 13-րդ տեղը Ռուսաստանի Առաջին լիգայում։

Գյուրջանի գոլի տեսանյութը՝